Pýtın Ýkraınaǵa qarsy soǵysta ıadrolyq qarýdy qoldaný boıynsha pikir bildirdi

Foto: RIA Novostı/Sergeı Gýneev

Vladımır Pýtın Ýkraınanyń Máskeýdi ıadrolyq qarýdy qoldanatyn jaǵdaıǵa jetkizbeýge úmittenetinin jetkizdi. Aıtýynsha, eger qalasa Reseıde óz maqsatyna jetýge barlyq kúsh pen qarajat bar, dep jazdy qandastar.kz

 Bul týraly Stan.kz aqparat agenttigi habarlaıdy.

Reseı prezıdenti muny Pavel Zarýbınge bergen suhbatynda málimdedi. Onyń aıtýynsha, Reseıde óz maqsattaryna jetý úshin mundaı qarýdan basqa jetkilikti kúsh pen qarajat bar.

«Bizdi arandatyp, qatelikter jibergenimizdi qalaıdy. Al, ıadrolyq qarýdy qoldanýdyń qajeti joq. Bul qarý-jaraq ári qaraı da qajet bolmaıdy dep úmittenemin. Bizde 2022 jyly bastalǵan máseleni Reseı úshin qajetti nátıjemen logıkalyq qorytyndyǵa jetkizý úshin jetkilikti kúsh pen qarajat bar», — dedi Pýtın.

Suhbatynda Pýtın sonymen birge Ýkraınamen sózssiz tatýlasatynyn jetkizdi.

«Meniń oıymsha, biz qazir bastan ótkerip jatqan barlyq qaıǵyly jaǵdaıǵa qaramastan, bul sózsiz… Bul ýaqyt máselesi», – dedi ol.

Buǵan deıin Batys saıasatkerleri Ýkraınadaǵy qaqtyǵysqa baılanysty ıadrolyq soǵystyń bastalý qaýpi týraly birneshe ret aıtqan bolatyn. Pýtın buǵan jaýap retinde Reseı ıadrolyq qarýdy birinshi bolyp qoldanǵysy kelmeıtinin málimdedi.

2024 jyldyń kúzinde Pýtın Reseıdiń ıadrolyq Doktrınasyn jańartýdy usyndy. Onyń aıtýynsha, ıadrolyq qarýdy Máskeý «shekten tys jáne májbúrli shara bolyp tabylatyn tejeý quraly» retinde qarastyrady.

Eske salsaq, Zelenskıı Jeńis kúnine oraı bitim jarııalaý týralyPýtınniń usynysyn qabyldamaǵan edi.