«Pyshaq júrek tusyna tıgen»: Almatyda dzıýdodan álem chempıonatynyń júldegerin bir top adam soqqyǵa jyqty

Foto: Vıdeodan skrın

Almatyda dzıýdodan álem chempıonatynyń júldegeri Damır Isahanovqa bir top adam shabýyl jasady. Bul týraly Stan.kz aqparat agenttigi Egovpress Telegram-arnasyna silteme jasap habarlaıdy.

Pyshaq soqqylarynyń biri sportyshynyń júrek aımaǵyna tıgen. Baqytymyzǵa oraı, sportshy aman qaldy.

Al Almaly aýdandyq polıııa bóliminiń qyzmetkerleri qylmystyq is qozǵady.

«Atalǵan iske qatysty qylmystyq is qozǵaldy. Kúdikti ustalyp, polıııaǵa jetkizildi. Sotqa deıingi tergeý amaldary júrgizilip jatyr», – delingen polıııa habarlamasynda.

Qalalyq polıııa departamentiniń málimetinshe, basshylyq tergeý barysyn jiti qadaǵalap otyr.

Damır Isahanov – Qazaqstannyń sport sheberi. Dzıýdodan jastar arasyndaǵy Azııa chempıony, jastar arasyndaǵy álem chempıonatynyń qatysýshysy.

Aıta keteıik, buǵan deıin 2023 jyly Almatyda fıtnes jattyqtyrýshyny óltirip ketken edi.