Pyshaqtar men uıyqtatatyn dáriler tabylǵan: Almatyda shatyrdan qulaǵan qyzdardyń ólimine qatysty kýágerler jańa derekterdi bólisti

Foto: ashyq derekkóz

Almatyda 7-synyp oqýshysy segizinshi qabattan qulap qaza tapqan oqıǵanyń kýágerleri jańa derekterdi bólisti. Bul týraly qandastar.kz KTK telearnasyna silteme jasap habarlaıdy.

Turǵyndar jetkinshekter sekirip ketken jerden adamnyń bulshyq etin bosatyp, uıyqtatatyn áseri bar birneshe dári taýyp alǵan. Qazir oqıǵaǵa qatysty polıııa tergeý júrgizip jatyr. Ázirge belgilisi eki oqýshy sabaq ortasynda mektepten shyǵyp ketken eken.

Toǵyz qabatty turǵyn úı qazir quqyq qorǵaý organdarynyń erekshe baqylaýynda. Mektep formasyn kıgen eki qyz úıdiń beınebaqylaý kamerasyna túsip qalǵan. Tańǵy saǵat 10 shamasynda jasóspirimder kóterińki kóńil-kúımen podezderdiń birine kirip ketken.

“Bireýiniń beti tómen qarap jatty. Ekinshisi bylaı. Men olardy tanymaımyn. 25 mektepten deıdi. Bireýi kúrte kıgen, ekinshisi rıýkzakpen boldy”,  – deıdi oqıǵa kýágeri Galına Vasıleva.

Kýágerlerdiń aıtýynsha, qyzdar shatyrda jarty saǵattaı bolǵan. Qaıǵyly jaǵdaıdan keıin turǵyndar shatyrdan belgisiz preparattardy taýyp alǵan.

“Uıyqtatatyn dáriler, pyshaqtar, aıaq kıimder bar. Qysqasy, qyzdar daıyndalyp kelgen. Onyń ústine olar qulaǵan kezde eshkim aıqaılaǵan joq. Túsinesiz be? Olar birdeńe tutynǵan”, – deıdi oqıǵa kýágeri.

Bul ýaqytta oqýshy qyzdardyń nelikten sabaqta bolmaǵany ázirge belgisiz. Qyzdar oqıtyn gımnazııa ákimshiligi túsinikteme berýden bas tartty. Al qalalyq bilim basqarmasy mektepte tekseris júrgizip jatyr, arnaıy komıssııa qurylǵan.

“Búgin Almaly aýdanynda eki qyzdyń ómirin qıǵan qaıǵyly oqıǵaǵa baılanysty Almaty qalalyq bilim basqarmasy istiń barlyq mán-jaıyn zerdeleý úshin tıisti memlekettik organdardyń qyzmetkerlerin tartý arqyly komıssııa qurdy”, – dedi Almaty qalalyq bilim basqarmasynyń basshysy Saıran Saıfedenov.

Sondaı-aq Almatydaǵy barlyq turǵyn úılerdiń shatyrlary men shatyrlarǵa kirý joldary tekseriletin bolady.

“Almaly aýdany polıııa basqarmasy qylmystyq is qozǵady. Oqıǵanyń sebep-saldary men mán-jaıy anyqtalyp jatyr”, – dedi Almaty PD resmı ókili Saltanat Ázirbek.

Eske salsaq, buǵan deıin Almatyda eki oqýshy qyz toǵyzynshy qabattan qulap mert bolǵany týraly jazǵan edik.