Qarmet Qytaı bankterinen 1,3 mlrd dollar qaryz suramaq

Foto:  t.me/atamekenbusiness_silkway

Qarmet kompanııasy (burynǵy «ArselorMıttal Temirtaý») Qytaı bankterinen 1,3 mlrd dollar qaryz almaq. Bul qarjyny óz ınvestıııalyq baǵdarlamalaryn júzege asyrýǵa jumsaıdy. Bul týraly kompanııa bas dırektorynyń qarjy jáne strategııalyq damý jónindegi orynbasary Záýre Záýirbekova málimdedi, dep jazady Qandastar.kz  t.me/atamekenbusiness_silkway silteme jasap.

«Jabdyqtardyń negizgi bóligi kórshi elden jetkiziletindikten, qazir Qytaı bankterimen kelissózder júrgizip jatyrmyz. Máselen, koks peshiniń akkýmýlıatoryn jóndeý jáne qaıta qurý jobasyna 460 mln dollar kerek. Al jabdyqty aýystyrýǵa qajet qarjy 700-800 mıllıon dollarǵa jetýi múmkin», – dedi Záýirbekova.

Kompanııa ókili qazaqstandyq bankter jáne halyqaralyq damý ınstıtýttarymen de kelissóz júrgizilip jatqanyn aıtady. Eýrazııalyq damý banki de Qarmet-tiń jobalaryna qyzyǵýshylyq tanytqan. Bul jobalardyń jalpy quny 1,3 mlrd dollardy quraıdy.

«Eýrazııalyq damý bankimen uzaq ýaqyttan beri jumys istep kelemiz. Qarjy uıymy qazir túrli jobalardy qarastyryp jatyr, 1,3 mlrd dollar kóleminde qaryz berýge daıyn. Biraq qaryz naqty jobalarǵa beriletindikten, kóp nárse jobany júzege asyrý merzimine táýeldi. Soǵan baılanysty biz túrli baǵdarlamalar daıyndadyq», – dep naqtylady Záýre Záýirbekova.

Onyń aıtýynsha, quny 3,5 mlrd dollar ınvestıııalyq baǵdarlamany qarjylandyrý úshin halyqaralyq jáne qazaqstandyq bankterdiń sındıkaty qurylady.