«Qasqa Jol»: Azamattardyń jeke málimetterin qorǵaý jáne nesıe alý júıesi boıynsha zań aqsap tur

QR Parlamenti májilisiniń depýtaty Ýnzıla Shapaqqyzy men alaıaqtardan zardap shekken jandarǵa kómek qolyn sozyp júrgen Anarbek Marqabaı «Qasqa Jol» Youtube arnasynda qonaqta bolyp, sońǵy kezdegi ózekti máselemen oı bólisti, dep habarlaıdy qandastar.kz

Anarbek Marqabaı osydan birneshe ýaqyt buryn alaıaqtarǵa aldanyp, atynan 16 mıllıon teńgege onlaın túrde nesıe rásimdelip san soǵyp qalǵan. Ol elimizdegi azamattardyń jeke málimetterdi qorǵaý boıynsha jáne nesıe alý júıesi boıynsha zańnyń aqsap turǵanyn aıtty.

«Bizdiń memlekette bul salanyń aqsap jatqan tustary óte kóp. Kórinip tur. Mysaly, onlaın kredıt árıne, jaqsy. Shetelde júrseń de qashyqtyqtan nesıe ala alasyń. Biraq, ekinshi jaǵy taǵy bar. Qorǵanys qabileti. Bul qylmys aqparattyq júıede bolady. Buny kez kelgen tergeýshi teksere almaıdy. IT mamany kerek. Al ondaıǵa IT mamandaryn oqytpaıdy. Qazir úkimetke sený múmkin emes. Bankterdiń ózinde siz nesıeni 1 jylǵa alsańyz da, sizdiń málimetterińiz saqtalyp turady. Úkimet bizdiń jeke málimetterimizdi jetkilikti deńgeıde qorǵap jatqan joq. Meniń ruqsatymsyz bankterdiń nesıe berýińiniń ózi úlken zań buzýshylyq. Qorǵanys sapasy tómen deńgeıde. Kúdikti áreketter jasalsa sizdiń atyńyzdan onda kredıt toqtaý kerek» , — dedi ol.

Osy oraıda bul pikirdi májilis depýtaty da qoldady.

«Iá, biz jan-jaqty jumys jasaǵanymyzben jańa dúnıeler shyǵyp jatady. Biz zań shyǵarýshy organ retinde ilese almaı qalyp jatamyz. Jańa zań shyǵarǵanda da onyń eki jaǵy bar. Onlaın nesıe rásimdeýge tyıym salsaq, biraz ýaqyttan soń azamattar habarlasyp qaıta iske qosýymyzdy suraıdy. Odan soń bıometrııany da engizdik. Oǵan qosa sýytý júıesine baılanysty da zań shyǵardyq. Nesıege ótinish bergen soń 24 saǵattan keıin ǵana sizdiń ruqsatyńyzben rásimdeledi. Qazir alaıaqtyq faktisi boıynsha polıııaǵa júginseńiz, is qaralyp sottyń sheshimi shyqqanǵa deıin barlyq nesıelik tólemder toqtatylady. Shotyńyzdaǵy buǵattaýlar sheshiledi. О́zińiz kináli bolsańyz, onda amal joq kredıtti tóleýge týra keledi. Al alaıaqtardyń qylmysy anyqtalsa onda nesıeńiz keshiriledi. Nesıe tarıhyńyz jańarady», — dedi.