جاڭالىقتار
QAZAQ AIR جەڭىلدىكپەن بيلەت ساتىپ جاتىر
فوتو:istockphoto.com
QAZAQ AIR اۋەكومپانياسى بارلىق باعىتتارعا 15% جەڭىلدىكپەن بيلەت ساتىپ الۋعا بولاتىن 2 كۇندىك اكتسيا جاريالادى, — دەپ حابارلايدى qandastar.kz
«تەك 8 جانە 9 اقپاندا QAZAQ AIR سايتى ارقىلى بارلىق باعىتتار بويىنشا (سۋبسيديالاناتىن رەيستەردەن باسقا) بيلەتتەردى 15% جەڭىلدىكپەن ساتىپ الۋعا بولادى. جول ءجۇرۋ مەرزىمى: 2025 جىلدىڭ 8 اقپانىنان 25 قازانىنا دەيىن. اكتسيا تەك كومپانيانىڭ رەسمي سايتىندا ساتىپ الىنعان بيلەتتەرگە قولدانىلادى», – دەلىنگەن تاسىمالداۋشىنىڭ ءباسپاسوز قىزمەتى حابارلاماسىندا.
سونىمەن قاتار اۋەكومپانياسى اقپان ايىنىڭ سوڭىنا دەيىن بارلىق باعىتتاردا سپورتتىق قۇرال-جابدىقتاردى (شاڭعى, سنوۋبورد, كونكي) تەگىن تاسىمالداۋ اكتسياسىن وتكىزىپ جاتقانىن ەسكە سالدى.
قوسىمشا اقپاراتتى +7 727 3561414 بايلانىس ورتالىعىنان نەمەسە كومپانيانىڭ سايتىنان الۋعا بولادى.
