قازاقستاندىق وقۋشىلارعا بيىلعى وقۋ جىلىندا قايتىپ ءبىر ءپان قايتارىلادى

فوتو: El.kz

قر پرەمەر-ءمينيسترىنىڭ ورىنباسارى تامارا دۇيسەنوۆا «بەينەلەۋ ونەرى» ءپانىن مەكتەپ باعدارلاماسىنا قايتارۋ تۋرالى دەپۋتاتتىق ساۋالعا جاۋاپ بەردى, دەپ حابارلادى qandastar.kz.

ونىڭ مالىمەتىنشە, 2022-2023 وقۋ جىلىنان باستاپ باستاۋىش مەكتەپتەگى «كوركەم ەڭبەك» ءپانى «ەڭبەك تاربيەسى» جانە «بەينەلەۋ ونەرى» پاندەرىنە ءبولىندى. «بەينەلەۋ ونەرى» ءپانى مەملەكەتتىك ءبىلىم بەرۋ ستاندارتى مەن ۇلگىلىك وقۋ باعدارلامالارى نەگىزىندە وقىتىلادى.

«قازىرگى ۋاقىتتا «بەينەلەۋ ونەرى» ءپانى اپتاسىنا ءبىر ساعات وقۋ جۇكتەمەسىمەن 1-2 سىنىپتاردا جىلىنا 33-34 ساعات وقىتىلادى. الداعى 2024-2025 وقۋ جىلىندا ول ءۇشىنشى سىنىپتا, ال 2025-2026 وقۋ جىلىندا ءتورتىنشى سىنىپتا ەنگىزىلەدى», – دەلىنگەن حابارلامادا.

نەگىزگى ورتا ءبىلىم بەرۋ دەڭگەيىندە «كوركەم ەڭبەك» ءپانى 5-6 سىنىپتاردا اپتاسىنا ەكى ساعات جۇكتەمەمەن جىلىنا 68 ساعات وقىتىلادى. ونىڭ ىشىندە اپتاسىنا ءبىر ساعات «بەينەلەۋ ونەرى» بولىمىنە بولىنەدى.