Qazaqstandyq oqýshylarǵa bıylǵy oqý jylynda qaıtyp bir pán qaıtarylady

Foto: El.kz

QR Premer-Mınıstriniń orynbasary Tamara Dúısenova «Beıneleý óneri» pánin mektep baǵdarlamasyna qaıtarý týraly depýtattyq saýalǵa jaýap berdi, dep habarlady qandastar.kz.

Onyń málimetinshe, 2022-2023 oqý jylynan bastap bastaýysh mekteptegi «Kórkem eńbek» páni «Eńbek tárbıesi» jáne «Beıneleý óneri» pánderine bólindi. «Beıneleý óneri» páni memlekettik bilim berý standarty men úlgilik oqý baǵdarlamalary negizinde oqytylady.

«Qazirgi ýaqytta «beıneleý óneri» páni aptasyna bir saǵat oqý júktemesimen 1-2 synyptarda jylyna 33-34 saǵat oqytylady. Aldaǵy 2024-2025 oqý jylynda ol úshinshi synypta, al 2025-2026 oqý jylynda tórtinshi synypta engiziledi», – delingen habarlamada.

Negizgi orta bilim berý deńgeıinde «Kórkem eńbek» páni 5-6 synyptarda aptasyna eki saǵat júktememen jylyna 68 saǵat oqytylady. Onyń ishinde aptasyna bir saǵat «beıneleý óneri» bólimine bólinedi.