QazExpoCongress qarjylyq esebi ashyq júrgiziledi

Foto: ashyq derekkóz

QR Joǵary aýdıtorlyq palatasynyń nusqamasy boıynsha «QazExpoCongress» UK» AQ-nyń korporatıvtik esep saıasatyna ózgeris pen tolyqtyrý engizildi. Olar ulttyq kompanııa qyzmetiniń ashyqtyǵy men tıimdiligin arttyrýǵa baǵyttalǵan, dep jazdy qandastar.kz

Júrgizilgen memlekettik aýdıt barysynda QazExpoCongress-te aktıvterdi esepke alý netto-negizde (sýbsıdııalardy qospaı) júzege asyrylatyny anyqtaldy. Bul memlekettik sýbsıdııalardyń qozǵalysy men ony paıdalanýdyń nátıjeliligin baqylaýǵa múmkindik bermeıdi. Osyndaı qarajat esebinen satyp alynǵan negizgi quraldar ulttyq kompanııanyń qarjylyq eseptiliginde kórsetilmegen.

Jaǵdaıdy túzetý úshin «QazExpoCongress» UK» AQ dırektorlar keńesine korporatıvtik esep saıasatyn qaıta qaraý tapsyryldy.

Nátıjesinde, bıyl 28 qańtarda sýbsıdııalar esebin brýtto-negizge aýdaratyn ózgerister bekitildi. Bul ulttyq kompanııanyń qarjylyq jaǵdaıyn dálirek kórsetýge, memleket qarajatynyń paıdalanylýyn tıimdirek baqylaýǵa jáne ulttyq kompanııanyń shyǵystaryn ońtaılandyrý boıynsha júrgizilip jatqan jumystyń ashyqtyǵyn arttyrýǵa múmkindik beredi.

О́tken jyldyń aqpan aıynda Úkimettiń keńeıtilgen otyrysynda sóılegen sózinde Memleket basshysy Qasym-Jomart Toqaev kvazımemlekettik sektorda eleýli reformalar júrgiziletinin basa aıtty.

«Ulttyq kompanııalardy IPO-ǵa shyǵarý máselesin qaıta qaraý óte mańyzdy. Bul iste negizgi maqsat – memlekettik aktıvterdiń tıimdiligin arttyrý. Korporatıvtik basqarýdyń zamanaýı ádis-tásilderin engizý qajet. Sol arqyly kompanııalardyń barynsha ashyq qyzmet etýin qamtamasyz etýge bolady», — dedi QR Prezıdenti.