قارجى جانە تولەمدەر
«Qnet» قارجى پيراميداسىن ۇيىمداستىرۋ ءىسى بويىنشا ۇكىم شىعارىلدى
فوتو: اشىق دەرەككوز
«Qnet» قارجى پيراميداسىن ۇيىمداستىرۋ ءىسى بويىنشا ۇكىم شىعارىلدى, دەپ جازدى qandastar.kz
كۇدىكتىلەر ازاماتتاردى كوپ دەڭگەيلى ماركەتينگتىك جەلى مەن ەلەكتروندى كوممەرتسياعا ينۆەستيتسيا سالۋعا, ونىڭ ىشىندە جالعان «QVI tripsaver» ساياحات كارتالارىن جانە زەرگەرلىك بۇيىمداردى ساتىپ الۋعا ۇگىتتەگەن. قاتىسۋشىلاردىڭ سالىمدارى 840 مىڭنان 4 ملن تەڭگەگە دەيىن بارىپ, مىندەتتى شارت رەتىندە باسقا قاتىسۋشىلاردى تارتۋ تالاپ ەتىلگەن. ناتيجەسىندە قارجى پيراميداسىنا 51 ادام قاتىسىپ, ولار 63 ميلليون تەڭگەدەن استام قاراجات سالعان. سوت شەشىمىمەن پيراميدا ۇيىمداستىرۋشىلارى كىنالى دەپ تانىلىپ, 6 جىلدان 7 جىلعا دەيىن باس بوستاندىعىنان ايىرۋ جازاسى تاعايىندالدى. سوت شەشىمىمەن 301 ميلليون تەڭگە قۇنى بار استانا قالاسىنان 7 پاتەر جانە «Toyota Camry» اۆتوكولىگى تاركىلەندى.
