راقىمشىلىق جاساۋ كوميسسياسى: بىزگە كارىم ءماسىموۆتىڭ ءوتىنىشى تۋرالى حابار جەتكەن جوق

كوميسسيانىڭ ەكى مۇشەسى ۇلتتىق قاۋىپسىزدىك كوميتەتىنىڭ بۇرىنعى باسشىسىنىڭ ءوتىنىشى تۋرالى اقپارات الماعانىن حابارلادى.

قر پرەزيدەنتى جانىنداعى راقىمشىلىق جاساۋ كوميسسياسىنىڭ مۇشەلەرى مەملەكەتكە وپاسىزدىق جاسادى جانە بيلىكتى باسىپ الماق بولدى دەگەن ايىپپەن سوتتالعان ۇلتتىق قاۋىپسىزدىك كوميتەتىنىڭ بۇرىنعى باسشىسى كارىم ءماسىموۆتىڭ ءوتىنىشىن العان جوق,-دەپ حابارلايدى Qandastar.kz

«ونداي اقپارات جوق (كارىم ءماسىموۆتىڭ ءوتىنىشى – اۆتور), مەن بۇل تۋرالى بىلمەيمىن», – دەدى اندرەي لۋكين

رەداكتسيانىڭ رەسمي ساۋالىنا كوميسسيانىڭ تاعى ءبىر مۇشەسى, ادام قۇقىقتارى جونىندەگى ۋاكىل ارتۋر لاستاەۆ جاۋاپ بەرگەندە, سوتتالعاننىڭ ءوتىنىشى وعان دا كەلمەگەنىن ءتۇسىندىردى.
كوميسسيا قۇرامىندا لۋكين مەن لاستاەۆتان باسقا تاعى جەتى ادام بار.
بۇعان دەيىن ۇلتتىق قاۋىپسىزدىك كوميتەتى كارىم ءماسىموۆتىڭ ناۋرىز ايىندا راقىمشىلىق جاساۋ تۋرالى ءوتىنىش جازعانىن حابارلاعان ەدى.

قازىر ول سىبايلاس جەمقورلىققا قارسى ءىس-قيمىل اگەنتتىگىنىڭ قاۋلىسى نەگىزىندە استاناداعى ۇلتتىق قاۋىپسىزدىك كوميتەتىنىڭ تەرگەۋ يزولياتورىندا وتىر.