Raqymshylyq jasaý komıssııasy: Bizge Kárim Másimovtiń ótinishi týraly habar jetken joq

Komıssııanyń eki múshesi ulttyq qaýipsizdik komıtetiniń burynǵy basshysynyń ótinishi týraly aqparat almaǵanyn habarlady.

QR prezıdenti janyndaǵy Raqymshylyq jasaý komıssııasynyń músheleri memleketke opasyzdyq jasady jáne bılikti basyp almaq boldy degen aıyppen sottalǵan ulttyq qaýipsizdik komıtetiniń burynǵy basshysy Kárim Másimovtiń ótinishin alǵan joq,-dep habarlaıdy Qandastar.kz

«Ondaı aqparat joq (Kárim Másimovtiń ótinishi – Avtor), men bul týraly bilmeımin», – dedi Andreı Lýkın

Redakııanyń resmı saýalyna komıssııanyń taǵy bir múshesi, adam quqyqtary jónindegi ýákil Artýr Lastaev jaýap bergende, sottalǵannyń ótinishi oǵan da kelmegenin túsindirdi.
Komıssııa quramynda Lýkın men Lastaevtan basqa taǵy jeti adam bar.
Buǵan deıin Ulttyq qaýipsizdik komıteti Kárim Másimovtiń naýryz aıynda raqymshylyq jasaý týraly ótinish jazǵanyn habarlaǵan edi.

Qazir ol Sybaılas jemqorlyqqa qarsy is-qımyl agenttiginiń qaýlysy negizinde Astanadaǵy Ulttyq qaýipsizdik komıtetiniń tergeý ızolıatorynda otyr.