جاڭالىقتار
راميل مۋحورياپوۆ قازاق تىلىندەگى ChatGPT جوباسىن جاريالادى
فوتو: پرەسس كز
الماتىدا «اجىراۋ» ءفيلمىنىڭ ارنايى كورسەتىلىمى بارىسىندا كاسىپكەر راميل مۋحورياپوۆ قازاق تىلىندەگى جاڭا جاساندى ينتەللەكتىنى جاريالادى. مۋحورياپوۆتىڭ ايتۋىنشا, ول بارلىق سالادا قازاق ءتىلىن قولدانۋ ماسەلەسىن مۇقيات زەرتتەپ, مەملەكەتتىك ءتىلدى دامىتۋ جانە تانىمال ەتۋ ءۇشىن باستاما كوتەرگەن.
«بۇگىن ءبىز بولاشاقتىڭ ءبىر بولىگىن – ياعني ەڭ قۋاتتى قازاقستاندىق جاساندى ينتەللەكتىنى پاش ەتىپ وتىرمىز. ول قازاق تىلىنە ساپالى اۋدارما جاساپ قانا قويماي, سونىمەن قاتار, قاتەلەردى انىقتاپ, ازىلدەردىڭ كونتەكستىن تۇسىنەدى جانە سىزگە جاۋاپ بەرە الادى. مۇنىڭ ءبارىن ول قازاق تىلىندە ساپالى تۇردە ورىندايدى. ەلەستەتىڭىزشى, جاقىن بولاشاقتا ەڭ الدىڭعى قاتارلى عالامدىق ءبىلىم كوزدەرى كەز كەلگەن قازاقستاندىق ءۇشىن انا تىلىندە قولجەتىمدى بولادى. سونىمەن قاتار, ءبىز كەز كەلگەن بيزنەستىڭ, سونىڭ ىشىندە حالىقارالىق بيزنەستىڭ دە قازاق تىلىندە سويلەۋىنە كومەكتەسە الامىز», – دەپ اتاپ ءوتتى راميل مۋحورياپوۆ.
