Jańalyqtar
Ramıl Mýhorıapov qazaq tilindegi ChatGPT jobasyn jarııalady
Foto: Press kz
Almatyda «Ajyraý» fılminiń arnaıy kórsetilimi barysynda kásipker Ramıl Mýhorıapov qazaq tilindegi jańa jasandy ıntellektini jarııalady. Mýhorıapovtyń aıtýynsha, ol barlyq salada qazaq tilin qoldaný máselesin muqııat zerttep, memlekettik tildi damytý jáne tanymal etý úshin bastama kótergen.
«Búgin biz bolashaqtyń bir bóligin – ıaǵnı eń qýatty qazaqstandyq jasandy ıntellektini pash etip otyrmyz. Ol qazaq tiline sapaly aýdarma jasap qana qoımaı, sonymen qatar, qatelerdi anyqtap, ázilderdiń kontekstin túsinedi jáne sizge jaýap bere alady. Munyń bárin ol qazaq tilinde sapaly túrde oryndaıdy. Elestetińizshi, jaqyn bolashaqta eń aldyńǵy qatarly ǵalamdyq bilim kózderi kez kelgen qazaqstandyq úshin ana tilinde qoljetimdi bolady. Sonymen qatar, biz kez kelgen bıznestiń, sonyń ishinde halyqaralyq bıznestiń de qazaq tilinde sóıleýine kómektese alamyz», – dep atap ótti Ramıl Mýhorıapov.
