جاڭالىقتار
رەفەرەندۋمدا 10 249 ۋچاسكە جۇمىسىن باستادى
فوتو: اشىق دەرەككوز
ورتالىق سايلاۋ كوميسسياسىندا اەس سالۋ بويىنشا رەفەرەندۋمعا بايلانىستى داۋىس بەرۋ ۋچاسكەلەرىنىڭ اشىلۋىنا ارنالعان ءباسپاسوز ءماسليحاتى ءوتتى, دەپ حابارلايدى qandastar.kz
ورتالىق رەفەرەندۋم كوميسسياسى توراعاسىنىڭ ورىنباسارى كونستانتين پەتروۆتىڭ ۇسىنعان مالىمەتتەرىنە سايكەس, 2024 جىلعى 6 قازاندا ساعات 7:00-دەگى جاعداي بويىنشا وڭىرلەردەگى بارلىق 10 249 داۋىس بەرۋ ۋچاسكەسىندە داۋىس بەرۋ باستالدى.
84 سايلاۋ ۋچاسكەسىندە اۋماقتىق كوميسسيالاردىڭ شەشىمدەرى بويىنشا داۋىس بەرۋ تاڭعى ساعات 6:00-دە باستالدى. تىزىمدەرگە 12 ميلليون 244 مىڭ 683 ازامات ەنگىزىلگەن.
«رەفەرەندۋم وتكىزۋگە بارلىعى 10 569 اۋماقتىق جانە ۋچاسكەلىك كوميسسيا, ونىڭ قۇرامىندا 70 029 ادام تارتىلدى. رەسپۋبليكا بويىنشا بارلىعى داۋىس بەرۋگە ارنالعان 10323 ۋچاسكە بار. قر شەت مەملەكەتتەردەگى وكىلدىكتەرى جانىنان الەمنىڭ 59 ەلىندە داۋىس بەرۋ ءۇشىن 74 ۋچاسكە قۇرىلدى», دەدى ول.
ايتا كەتەيىك, رەفەرەندۋمعا 30 شەت مەملەكەت پەن 4 حالىقارالىق ۇيىمنان 177 باقىلاۋشى, سونداي-اق 37 ەلدەن 200 شەتەلدىك جۋرناليست اككرەديتتەلگەن.
بارلىق داۋىس بەرۋ ۋچاسكەسىندە داۋىستاردى قابىلداۋ ءبىر ۋاقىتتا – ساعات 20:00-دە اياقتالادى. داۋىس بەرۋ ناتيجەلەرى 7 كۇن ىشىندە جاريالانادى.
