Álem jańalyqtary

Reseı 2025 jyly Baıqońyrdan áskerı zymyrandar ushyrmaıdy

Reseı 2025 jyly Baıqońyr ǵarysh aılaǵynda áskerı zymyrandardy ushyrmaıdy jáne synaqtan ótkizbeıdi, dep habarlaıdy qandastar.kz inbusiness.kz saıtyna siltep.

Reseı Qazaqstan úkimetine «2025 jylǵa arnalǵan ǵarysh apparattaryn ushyrý josparyn» dıplomatııalyq arnalar arqyly tapsyrdy. Atalmysh qujat «Ashyq NQA» portalynda jarııalandy.

“Qazaqstan Respýblıkasynyń Syrtqy ister mınıstrligi usynylǵan josparda áskerı maqsattaǵy ǵarysh apparattaryn ushyrý, sondaı-aq «Baıqońyr» ǵarysh aılaǵynan zymyrandardy synaqtan ótkizý joq ekenin habarlady”, – delingen habarlamada.

Qujatqa sáıkes, 2025 jyly Baıqońyr ǵarysh aılaǵynan ǵarysh apparattaryn ushyrý «Reseıdiń ǵarysh qyzmeti» memlekettik baǵdarlamasy, halyqaralyq yntymaqtastyq baǵdarlamalary jáne kommerııalyq jobalar aıasynda júzege asyrylady.

Aıta keteıik, kelisimshartqa sáıkes Reseı jyl saıyn 30 qarashadan keshiktirmeı Qazaqstanǵa ǵarysh apparattaryn ushyrý jáne ǵarysh aılaǵynan zymyrandardy synaqtan ótkizý josparyn berýge mindetti.

Ilmekter

Osy aıdarda

Dobavıt kommentarıı

Close