Reseı baspasózi ashyqtan ashyq Qazaqstanǵa AES-ti Rosatom salýy kerek degendi aıta bastady

Kollaj Ulysmedia.kz

Qazaqstanda AES boıynsha jalpyulttyq referendýmnyń túpkilikti nátıjesi shyqpaı jatyp Reseı medıasy Qazaqstanǵa AES-ti Rosatom salady degen aqparat taratyp jatyr, dep habarlaıdy qandastar.kz Ulysmedia.kz silteme jasap.

RESEILIK MEDIADAǴY MATERIAL

Máselen, Absatz.media dep atalatyn resýrs «Ekspert: Qazaqstan AES qurylysyna merdiger retinde Rosatomdy tańdaıdy» degen materıal shyǵarǵan.

Ekspert dep otyrǵany Jańa qoǵam ınstıtýtynyń dırektory, saıasattanýshy delingen Vasılıı Koltashov esimdi adam.

Onyń sózinshe, Rosatom paıdasyna jasalǵan tańdaý Qazaqstanǵa Batysqa táýeldi bolmaýǵa, arzan energııa alýǵa múmkindik beredi.

Ol Qazaqstan amerıkalyq Westinghouse kompanııasyn tańdasa, aldaǵy ýaqytta eleýli saıası qıyndyqtarǵa tap bolady, Reseı muny jaqsy qabyldamaıdy dep sanaıdy.

«Qazaqstan iri ýran qory bar memleket, elge amerıkalyqtardyń nemese franýzdardyń kirýi, eldiń tynysh ekonomıkalyq damýy men kórshi eldermen, birinshi kezekte Reseı jáne Qytaımen qajetti ekonomıkalyq ıntegraııa jasaýy múmkin bolmaı qalady. Erte me, kesh pe, bári ótkir syrtqy saıası konflıktke ulasady» deıdi Koltashov.

Basylym materıalynyń sońyna Rosatom korporaııasynyń dırektory Alekseı Lıhachevtyń «eger Ýkraına qarýly kúshteri Kýrs AES-indegi reaktorǵa soqqy jasasa, Chernobyldegi apat túk bolmaı qalady» dep aıtqan sózin keltirgen. Bul sózdi dál osy kontekske nege qystyrǵanyn túsiný qıyn. «Rosatomǵa saldyrmasańdar, Chernobylden de alapat apatqa tap bolasyńdar» degen qoqan-loqy ma túsiniksiz.

ÚKIMET ShORT-LISI

Úkimet AES salý máselesinde 4 el – Koreıa, Reseı, Qytaı, Franııa elderiniń tehnologııalaryn zerdelep jatqanyn habarlaǵan.

TOQAEV NE DEIDI

Referendýmda daýys bergen kezinde el prezıdenti «AES-ti qaı el salady» degen suraqqa úkimet másele boıynsha naqty taldaý jasap, kelissózder júrgizý kerek ekenin atap ótken.

Úkimet saraptama jasap, tıisti kelissózder júrgizýi qajet. Meniń jeke pikirim boıynsha, Qazaqstanda eń ozyq tehnologııalardy qoldanatyn álemdik deńgeıdegi kompanııalardy biriktiretin halyqaralyq konsaltıngtik top jumys isteýi kerek, – degen Toqaev.