رەسەي بيلىگى ۋتيل الىمىن كوتەردى

رەسەي ۇكىمەتى 2030 جىلعا دەيىن اۆتوموبيلگە, اۆتوبۋسقا جانە كەيبىر ارنايى تەحنيكاعا ارنالعان ۋتيل الىم مولشەرلەمەسىن جىل سايىن قايتا ەسەپتەپ, كوتەرۋدى جوسپارلاپ وتىر. ربك اقپاراتىنا سايكەس تولەم بيىل كولىك تۇرىنە بايلانىستى 70-85 % وسەدى, ال سودان كەيىن جىل سايىن 2030 جىلعا دەيىن 10-20 % كوتەرىلىپ وتىرادى, – دەپ حابارلايدى qandastar.kz  kolesa.kz سىلتەمە جاساپ.

ۋتيل الىمى بازالىق مولشەرلەمە نەگىزىندە ەسەپتەلەدى: 20 مىڭ رۋبل (جەڭىل اۆتوموبيل ءۇشىن) جانە 150 مىڭ رۋبل (باسقا كولىك قۇرالدارى ءۇشىن). تولەم مولشەرى ءاۆتوموبيلدىڭ جاسىنا ء(ۇش جىلدان اسقان كولىكتەر ءۇشىن مولشەرلەمە ايتارلىقتاي جوعارى) جانە بازالىق مولشەرلەمەگە سايكەس كوەففيتسيەنتكە بايلانىستى انىقتالادى.

جەڭىل ەلەكتروموبيل, گيبريد ءۇشىن كوەففيتسيەنت 2024 جىلى 1.63-تەن 2030 جىلعا قاراي 58.62-گە دەيىن ارتادى. قوزعالتقىش كولەمى 1-2 ليتر ماشينا ءۇشىن كوەففيتسيەنت 27.81-دەن 58.62-گە دەيىن; 3-3.5 ليتر — 89.73-تەن 189.17-گە دەيىن, ال 3.5 ليتردەن جوعارى — 114.26-دان 240.89-عا دەيىن وسەدى.

Drom.ru پورتالى قوزعالتقىش كولەمى 2.0 ليترگە دەيىنگى ەڭ كوپ سۇرانىسقا يە جەڭىل كولىكتى مىسال رەتىندە الىپ, مولشەرلەمە قالاي وسەتىنىن كورسەتتى. قازىر جەكە پايدالانۋعا اكەلمەيتىن يمپورتەر ءۇشىن ۋتيل الىم سوماسى 300 600 رۋبل (~1.6 ملن تەڭگە) بولسا, ءبىرىنشى كەزەڭنەن كەيىن ول 556 200 ءرۋبلدى قۇرايدى, ال 2030 جىلى 1 172 400 رۋبلگە (6 ملن تەڭگە) دەيىن جەتەدى.