Reseı bıligi ýtıl alymyn kóterdi

Reseı úkimeti 2030 jylǵa deıin avtomobılge, avtobýsqa jáne keıbir arnaıy tehnıkaǵa arnalǵan ýtıl alym mólsherlemesin jyl saıyn qaıta eseptep, kóterýdi josparlap otyr. RBK aqparatyna sáıkes tólem bıyl kólik túrine baılanysty 70-85 % ósedi, al sodan keıin jyl saıyn 2030 jylǵa deıin 10-20 % kóterilip otyrady, – dep habarlaıdy qandastar.kz  kolesa.kz silteme jasap.

Ýtıl alymy bazalyq mólsherleme negizinde esepteledi: 20 myń rýbl (jeńil avtomobıl úshin) jáne 150 myń rýbl (basqa kólik quraldary úshin). Tólem mólsheri avtomobıldiń jasyna (úsh jyldan asqan kólikter úshin mólsherleme aıtarlyqtaı joǵary) jáne bazalyq mólsherlemege sáıkes koeffııentke baılanysty anyqtalady.

Jeńil elektromobıl, gıbrıd úshin koeffııent 2024 jyly 1.63-ten 2030 jylǵa qaraı 58.62-ge deıin artady. Qozǵaltqysh kólemi 1-2 lıtr mashına úshin koeffııent 27.81-den 58.62-ge deıin; 3-3.5 lıtr — 89.73-ten 189.17-ge deıin, al 3.5 lıtrden joǵary — 114.26-dan 240.89-ǵa deıin ósedi.

Drom.ru portaly qozǵaltqysh kólemi 2.0 lıtrge deıingi eń kóp suranysqa ıe jeńil kólikti mysal retinde alyp, mólsherleme qalaı ósetinin kórsetti. Qazir jeke paıdalanýǵa ákelmeıtin ımporter úshin ýtıl alym somasy 300 600 rýbl (~1.6 mln teńge) bolsa, birinshi kezeńnen keıin ol 556 200 rýbldi quraıdy, al 2030 jyly 1 172 400 rýblge (6 mln teńge) deıin jetedi.