Reseı bir túnde Ýkraınaǵa 500-ge jýyq dron men on shaqty zymyran ushyrǵan

Foto: Cherkass oblystyq TJD

Ýkraına Qarýly kúshteriniń ókilderi 29 maýsym jappaı áýe shabýyly jasalǵanyn málimdedi, dep jazdy qandastar.kz

Bul týraly Stan.kz aqparat agenttigi habarlaıdy.

Ýkraına Áskerı-áýe kúshteri qolbasshylyǵynyń málimeti boıynsha, Reseı jeksenbige qaraǵan túni 477 ushqyshsyz ushaqty ushyrǵan. Sonymen qatar jerdegi nysandarǵa soqqy berý úshin de qoldanatyn 46 qanatty zymyran, jeti «Iskander» ballıstıkalyq zymyrany, tórt «Kınjal» aeroballıstıkalyq zymyrany jáne úsh S-300 zenıttik zymyrany ushyrylǵany habarlandy.

Ushqyshsyz ushaqtar men qanatty zymyrandardyń jartysyna jýyǵy túsirilgen, 225 ushqyshsyz ushaqtyń nysanasynan aýytqyp ketken jáne ballıstıkalyq zymyrandardyń biri de túsirilgen.

Bul jolǵy soqqylardan jappaı qaza tapqandar týraly aqparat joq. Shabýyl Ýkraınanyń Lvov, Poltava, Cherkassy, Nıkolaev jáne Zaporoje oblystaryn qamtydy.

Ýkraına Qarýly Kúshteri de F-16 ushaǵynyń joǵalǵany jáne áýe shabýylyna toıtarys bergen ushqyshynyń qaza tapqany týraly habarlady.

Ýkraına prezıdenti Vladımır Zelenskıı túngi shabýylǵa qatysty pikir bildirdi.

«Soǵysty toqtatý kerek, agressorǵa qysym jasaý kerek, bizge qorǵanys kerek. Ballıstıkadan, zymyran men ushqyshsyz ushaqtardan, terrordan Ýkraına áýe qorǵanysyn kúsheıtýi kerek. Qorǵaıtyn nárse bul – biz satyp alýǵa daıyn amerıkalyq júıeler», – dedi Zelenskıı.

Eske salsaq, Reseı Ýkraınanyń Odessa qalasyna shabýyl jasaǵany aıtyldy.