Reseı delegaııasy 15 mamyrda Ystambulǵa keledi: Quramy jarııalanbady

Foto: Sergeı Karpýhın/ TASS

Reseı ókilderi 15 mamyr kúni Ystambulǵa keledi jáne sol jerde ýkraın tarapyn kútedi. Bul týraly Reseı prezıdentiniń baspasóz hatshysy Dmıtrıı Peskov málimdedi, dep jazdy qandastar.kz saıty Ria.ru portalyna silteme jasap.

Ýkraına prezıdenti Vladımır Zelenskıı buǵan deıin Túrkııa prezıdenti Rejep Taıyp Erdoǵanmen Ankarada kezdesý týraly kelisim jasaǵanyn aıtqan edi. Eger Vladımır Pýtın Túrkııa astanasyna barýdan bas tartyp, Ystambuldy tańdasa, onda Zelenskıı men Erdoǵan da sol jaqqa barýǵa daıyn ekenin málimdedi.

«Biz bul kezdesýdiń Pýtınmen ótýi úshin barlyǵyn jasaımyz. Atysty toqtatý týraly sheshimdi tek ol ǵana qabyldaı alady», – dep atap ótti Ýkraına basshysy.

Reseı men Ýkraına arasyndaǵy kelissózderge AQSh memlekettik hatshysy Marko Rýbıo da qatysatyny belgili boldy. Bul týraly Donald Tramp Saýd Arabııasyndaǵy ınvestıııalyq forýmda aıtty. AQSh prezıdenti kelissózderden «óte jaqsy nátıjeler» kútetinin de jetkizdi.

Eske salaıyq, 11 mamyrda Reseı Federaııasynyń prezıdenti Vladımır Pýtın Ýkraınaǵa eshqandaı shart qoımastan tikeleı kelissózder júrgizýdi usynǵan edi. Reseı taraby mundaı dıalogty 15 mamyrda-aq Ystambulda bastaýǵa daıyn ekenin jetkizdi.