الەم جاڭالىقتارى
رەسەي-ەۋرازيا ايماعى. مەكتەپ وقۋلىعىندا قازاقستاننىڭ «رەسەي ايماعىنا» كىرگىزىلگەنى حابارلاندى
فوتو: بەينەدەن سكرين
الەۋمەتتىك جەلىدە ەر ادام گەوگرافيا كىتابىندا قازاقستان اۋماعىنىڭ دۇرىس كورسەتىلمەگەنىن ايتىپ, شاعىمدانعان, دەپ حابارلايدى qandastar.kz “ادىرنا” ۇلتتىق پورتالىنا سىلتەپ.
اندرەي فيلاتوۆ 7-سىنىپقا باراتىن بالاسىنا گەوگرافيا ءپانى بويىنشا كىتاپ ساتىپ العان. وقۋلىق بەتتەرىندەگى كارتادا قازاقستان ورتالىق ازيادا ەمەس, رەسەي-ەۋرازيا ايماعىندا دەپ كورسەتكەن.
« ۇلىم 7-سىنىپتىڭ كىتاپتارىن الىپ كەلدى. مەن لوگيست رەتىندە بىردەن گەوگرافيا پانىنە قىزىقتىم. الايدا 2017 جىلى شىعارىلعان كىتاپتىڭ 148-بەتىندە قازاقستاندى ورتالىق ازيا ەمەس, رەسەي-ەۋرازيا ايماعى دەپ كورسەتكەن. ءبىزدىڭ بالالاردى شاتاستىرىپ وتىر», – دەيدى ۆيدەونىڭ اۆتورى.
