«رەسەي قانتىنا تىيىم سالىنسىن»: ۆيتسە-مينيستر جاۋاپ بەردى

اۋىل شارۋاشىلىعى ۆيتسە-ءمينيسترى ەربول تاسجۇرەكوۆ وكق بريفينگىندە باق وكىلى سۇراعىنا جاۋاپ بەردى, دەپ حابارلايدى  Alash.kz BAQ.KZ قا سىلتەمە جاساپ.

ءسىز بىلەتىندەي, بىزدە قانت شىعاراتىن 4 قانا زاۋىت بار. ونىڭ بىرەۋى – جوندەۋدە. ساراپشىلاردىڭ ايتۋىنشا, ولاردىڭ بارلىعى رەسەي قانتىنا قارسى. رەسەي فەدەراتسياسىنىڭ اۋماعىندا 65 قانت زاۋىتى بار. قانت سالاسىنداعى ساراپشىلار اۋىل شارۋاشىلىعى مينيسترلىگىنە رەسەيدەن اۆتوكولىكپەن كەلەتىن قانتقا تىيىم سالۋدى ۇسىنىپ وتىر. بۇعان اۋىل شارۋاشىلىعى مينيسترلىگى قالاي قارايدى? – دەپ سۇرادى جۋرناليست.

ۆيتسە-مينيستر رەسەي قانتىنىڭ باعاسى ايتارلىقتاي ارزان ەكەنىن العا تارتتى.

بىرقاتار ءتۇرلى سەبەپتەرگە بايلانىستى رەسەي قانتىنىڭ باعاسى بىزدە وندىرىلەتىن قانتتان ارزانىراق. سوندىقتان بۇگىنگى تاڭدا يمپورتتالعان قانت باعاسى ايتارلىقتاي ارزان ەكەنىن ەسكەرىپ, بۇل سۇراقتى وتاندىق قىزىلشا شيكىزاتىنان قانت وندىرەتىن زاۋىتتارىمىزعا وبەكتيۆتى, ءادىل باعا ۇسىنۋ ءۇشىن قاراستىرىپ جاتىرمىز. بۇل سۇراق ۆەدومستۆوارالىق كوميسسيادا قارالادى, – دەدى ەربول تاسجۇرەكوۆ.