Reseı Qazaqstanda hımııalyq keshen salýy múmkin

Foto: rt-online

Tatarstannyń “Hımgrad” tehnopolısi Atyraý oblysynda hımııa keshenin salýy múmkin, dep habarlaıdy  qandastar.kz   Dalanews.kz-ke silteme jasap.

TASS agenttiginiń málimdeýinshe, kompanııa bul maqsatta Atyraý oblysy ákimdigimen yntymaqtastyq týraly memorandýmǵa qol qoıdy. Qujat aıasynda óndiristik parkter salý múmkindikterin zertteý kózdelgen.

“Hımgrad” bas dırektory Aırat Gızzatýllın naqty yntymaqtastyq formaty ázirge anyqtalmaǵanyn aıtty, biraq О́zbekstandaǵy tehnoparkterdiń jumys tájirıbesin mysalǵa keltirdi.

“Biz bul naryqtyń áleýetin kórip otyrmyz. Ekinshiden, qazaqstandyq seriktesterimizdiń úlken qyzyǵýshylyǵy bar, sonymen qatar óńirdiń geografııalyq ornalasýy óte yńǵaıly”, – dedi Gızzatýllın.

Aıta keteıik, qazirgi ýaqytta kásiporyn aýmaǵynda 370-ten astam kompanııa ornalasqan, olardyń basym bóligi hımııa ónerkásibine tıesili. Osyndaı óndiristik parkterdi shetelde ornalastyrýdyń negizgi maqsattarynyń biri – reseılik óndiristerdi jergilikti naryqtarǵa beıimdeý.