رەسەي قازاقستاندا جاڭا ورىس مەكتەپتەرىن سالۋدى قولدايدى

فوتو: ەرنۋر.كز

رەسەي قازاقستاندا جاڭا ورىس مەكتەپتەرىن سالۋدى قولدايدى. «كازاحستانسكايا پراۆدا» گازەتىندە جاريالانعان ماقالاسىندا رەسەي پرەزيدەنتى ۆلاديمير پۋتين وسىلاي دەگەن, – دەپ جازدى  qandastar.kz

ول قازاقتار كوپ شوعىرلانعان قازاقستاننىڭ وڭتۇستىگىندەگى ءۇش قالادا «ورىس مەكتەپتەرى اشىلادى دەپ سەنەمىز» دەپ جازعان.

«رەسەي سونىمەن بىرگە قازاقستاندا جاڭا ورىس مەكتەپتەرىن سالۋدى جانە ورىس تىلىندەگى ءبىلىم ساپاسىن ارتتىرۋدى قولدايدى. جۋىردا قىزىلوردا, تاراز جانە تۇركىستاندا تاعى وسىنداي ءۇش مەكتەپ سالىنادى دەپ سەنەمىز» دەپ جازعان پۋتين ماقالادا. ول ماقالادا قازاقستان پرەزيدەنتى قاسىم-جومارت توقاەۆتىڭ «ورىس ءتىلىن قولداۋ جونىندەگى حالىقارالىق ۇيىم» قۇرۋ تۋرالى باستاماسى ءۇشىن العىس ايتقان.

قازاقستاندا 7 مىڭعا جۋىق مەكتەپ بولسا, 1160-ى – تازا ورىس تىلىندە ساباق بەرەدى. 2 مىڭنان استامى ارالاس مەكتەپ.