Reseı Qazaqstanda jańa orys mektepterin salýdy qoldaıdy

Foto: Ernýr.kz

Reseı Qazaqstanda jańa orys mektepterin salýdy qoldaıdy. «Kazahstanskaıa pravda» gazetinde jarııalanǵan maqalasynda Reseı prezıdenti Vladımır Pýtın osylaı degen, – dep jazdy  qandastar.kz

Ol qazaqtar kóp shoǵyrlanǵan Qazaqstannyń ońtústigindegi úsh qalada «orys mektepteri ashylady dep senemiz» dep jazǵan.

«Reseı sonymen birge Qazaqstanda jańa orys mektepterin salýdy jáne orys tilindegi bilim sapasyn arttyrýdy qoldaıdy. Jýyrda Qyzylorda, Taraz jáne Túrkistanda taǵy osyndaı úsh mektep salynady dep senemiz» dep jazǵan Pýtın maqalada. Ol maqalada Qazaqstan prezıdenti Qasym-Jomart Toqaevtyń «orys tilin qoldaý jónindegi halyqaralyq uıym» qurý týraly bastamasy úshin alǵys aıtqan.

Qazaqstanda 7 myńǵa jýyq mektep bolsa, 1160-y – taza orys tilinde sabaq beredi. 2 myńnan astamy aralas mektep.