رەسەي قازاقستاندى شەكارادا الاياقتىق جاسادى دەپ ايىپتادى

فوتو: اشىق دەرەككوز

رەسەي قازاقستاندى شەكارادا الاياقتىق جاسادى دەپ ايىپتادى, دەپ جازادى qandastar.kz atamekenbusiness_qaz-عا سىلتەمە جاساپ.

ناقتىلاساق, ماسكەۋدىڭ اۋىل شارۋاشىلىعىن قاداعالاۋ مەكەمەسى «قازاقستاننىڭ مەملەكەتتىك ينسپەكتسياسى جارامسىز فيتوسانيتارلىق سەرتيفيكاتتاردى ەكى جىل پايدالاندى» دەپ وتىر.

رەسەيلىكتەردىڭ كەلتىرگەن دەرەكتەرى بويىنشا, وسى ۋاقىت ارالىعىندا ەلىمىزدەن 120 توننا وسىمدىك ونىمدەرى تاسىمالدانعان. جالپى شەكارادا 260 مىڭ توننا جەمىس-جيدەك, كوكونىس ونىمدەرى تەكسەرىلمەگەن دەيدى.

«قازاقستاننىڭ مۇنداي زاڭسىز ارەكەتى سالىق تولەۋدەن جالتارۋعا العىشارت جاساپ, ەلدەر اراسىنداعى اۋىل شارۋاشىلىعى ونىمدەرىنىڭ ناقتى تاۋار اينالىمىن بۇرمالايدى», – دەپ ايىپتادى رەسەيلىك مەكەمە.