Qarjy jáne tólemder
Reseı Qazaqstannyń bank salasyna qaıtyp oralýǵa daıyn
Foto: ashyq derekkóz
Reseı Qazaqstannyń bank salasyna qaıtyp oralýǵa daıyn, dep jazady qandastar.kz
Tramp ákimshiliginiń kómegimen Reseı qarjy sektory batys sankııalarynan kezeń-kezeńimen qutylmaq. Keshe AQSh pen Reseı arasyndaǵy Qara teńizdegi atysty toqtatý jónindegi kelisim aıasynda reseılik bankterdiń SWIFT júıesine qosylý máselesi sheshildi. Kreml taratqan málimetke saı, alǵashqy bolyp júıege Rosselhozbank qosylmaq.
«Rosselhozbankten keıin Sber toby da SWIFT júıesine qosylatyn bolady. Qazir Sber ózine qatysty barlyq sankııalardy alyp tastaý boıynsha qadamdardy Kremlmen pysyqtap jatyr. Bir sózben aıtqanda, Reseı óziniń Tramppen jaqyndyǵyn paıdalanyp, Sber úshin tolyq jol ashyp bermek», — deıdi DALA INSIDE derekkózi.
Osynyń aıasynda Sber óziniń halyqaralyq naryqta joǵaltyp alǵan pozıııalaryn qalpyna keltirmek. Sankııa qysymymen Qazaqstanda satyp jibergen bankin qaıtadan satyp alýǵa jumys isteıtin bolady. Qazir onyń aty Bereke-ge aýysyp ketken Qazaqstandaǵy burynǵy enshiles banki Katardyń Lesha Bank tobynyń qolynda. О́z kezeginde arabtar Bereke bankiniń baǵasyn ósirip, ózderine tıimdi shartpen qaıta satýǵa qarsy emes ekenderin bildirdi.
«Lesha Berekeni Qazaqstan Úkimetinen nomınaldy túrde 65 mıllıard teńgege satyp alǵan bolatyn. Endi satsa keminde 200 mıllıard teńgege satady. Sberbankte ondaı aqsha bar. Reseılikter tek ózderiniń barlyq sankııalardan shyǵýyn kútip otyr. Sondyqtan búgin be, erteń be, Sber qazaq naryǵyna báribir oralady», — deıdi derekkóz.
Bereke arabtar úshin berekeli bolyp otyr. 2024 jyly bank keminde 15 mıllıard teńge taza kiris alyp keldi. Biraq Lesha Qazaqstandaǵy bankti máńgi ustap otyrýǵa qulyqty emes. Jahandyq ınvestıııalyq saıasaty aıasynda paıdasyn barynsha syǵyp alyp, banktiń ózin qymbatqa satyp jiberýdi kózdeıdi. Al Sber úshin Qazaqstanǵa oralý tek bıznes emes, geosaıasattyń ajyramas bóligi bolyp otyr. Sondyqtan taraptardyń múddesi bir birimen ushtasýda.
