رەسەي قازاقستاننىڭ «شەتەل اگەنتتەرى» تۋرالى زاڭ جوباسىنا ارالاسا ما?

فوتو:gov.kz

ءماجىلىس دەپۋتاتى يرينا سميرنوۆا شەتەلدىك اگەنتتەر تۋرالى زاڭ جوباسىنا رەسەيدىڭ ادىلەت مينيسترلىگى قاتىسادى دەگەن ءجۋرناليستىڭ ءسوزىن جوققا شىعاردى, دەپ حابارلايدى qandastar.kz

جۋرناليست ارداق بوكەەۆا ءوزىنىڭ Facebook پاراقشاسىندا شەتەلدىك اگەنتتەر تۋرالى زاڭعا رەسەيدىڭ ادىلەت مينيسترلىگى كىرىسەتىنىن جازعان بولاتىن.

«دەپۋتات يرينا سميرنوۆا تالاپ ەتكەن شەتەلدىك اگەنتتەر تۋرالى زاڭ بويىنشا جۇمىستار ءجۇرىپ جاتىر جانە بۇل زاڭدى ازىرلەۋگە رەسەيدىڭ ادىلەت مينيسترلىگى دە اتسالىسادى. ولار بەلسەندى تۇردە كەڭەس بەرەدى. ياعني, 2026 جىلى اقپاراتتىق كەڭەس پەن ادام قۇقىعىنا قاتىستى جاعدايدى توپشىلاي بەرۋگە بولادى. بيىل بۇل زاڭدى قابىلداۋعا ۋاقىت بولماي قالسا دەگەن ءۇمىتىم بار» دەپ جازدى جۋرناليست.

Orda.kz. ءتىلشىسى وسى جازىلعان اقپاراتقا قاتىستى يرينا سميرنوۆانىڭ وزىنە حابارلاسىپ, جاۋاپ الدى. دەپۋتات ءجۋرناليستىڭ بەرگەن اقپاراتىن جوققا شىعاردى.

«ونداي ەشتەڭە جوق. قۇرىلتايدا پرەزيدەنت ۇكىمەتتىك ەمەس ۇيىمدار تۋرالى زاڭ جوباسىن ازىرلەۋدى ۇسىندى. بالكىم اقپاراتتىق اگەنتتىك تۋرالى زاڭ بولمايتىن شىعار, بىراق تۇزەتۋلەر بولادى. بىردەڭە ايتۋعا ءالى ەرتە, سوسىن ءبىز قانداي دا ءبىر زاڭدى تۇزەتۋگە ەشكىمدى ارالاستىرمايمىز. اسىرەسە شەتەلدىكتەردى قوسپايمىز», – دەپ جاۋاپ بەردى سميرنوۆا.

ەسكە سالا كەتسەك, ءماجىلىس دەپۋتاتى يرينا سميرنوۆا «شەتەل اگەنتى» تۋرالى زاڭ  دايىنداۋدى ۇسىندى.