Álem jańalyqtary

Reseı Qazaqstannyń «shetel agentteri» týraly zań jobasyna aralasa ma?

Foto:gov.kz

Májilis depýtaty Irına Smırnova sheteldik agentter týraly zań jobasyna Reseıdiń ádilet mınıstrligi qatysady degen jýrnalıstiń sózin joqqa shyǵardy, dep habarlaıdy qandastar.kz

Jýrnalıst Ardaq Bókeeva óziniń Facebook paraqshasynda sheteldik agentter týraly zańǵa Reseıdiń ádilet mınıstrligi kirisetinin jazǵan bolatyn.

 

«Depýtat Irına Smırnova talap etken sheteldik agentter týraly zań boıynsha jumystar júrip jatyr jáne bul zańdy ázirleýge Reseıdiń ádilet mınıstrligi de atsalysady. Olar belsendi túrde keńes beredi. Iaǵnı, 2026 jyly aqparattyq keńes pen adam quqyǵyna qatysty jaǵdaıdy topshylaı berýge bolady. Bıyl bul zańdy qabyldaýǵa ýaqyt bolmaı qalsa degen úmitim bar» dep jazdy jýrnalıst.

Orda.kz. tilshisi osy jazylǵan aqparatqa qatysty Irına Smırnovanyń ózine habarlasyp, jaýap aldy. Depýtat jýrnalıstiń bergen aqparatyn joqqa shyǵardy.

«Ondaı eshteńe joq. Quryltaıda prezıdent Úkimettik emes uıymdar týraly zań jobasyn ázirleýdi usyndy. Bálkim Aqparattyq agenttik týraly zań bolmaıtyn shyǵar, biraq túzetýler bolady. Birdeńe aıtýǵa áli erte, sosyn biz qandaı da bir zańdy túzetýge eshkimdi aralastyrmaımyz. Ásirese sheteldikterdi qospaımyz», – dep jaýap berdi Smırnova.

Eske sala ketsek, májilis depýtaty Irına Smırnova «shetel agenti» týraly zań  daıyndaýdy usyndy.

Ilmekter

Osy aıdarda

Dobavıt kommentarıı

Close