Reseı kólik mınıstrligi Qazaqstannan kómek surady

Reseı bıligi máseleni sheshý úshin «dos» eldermen  ishki reısterge ushaq tapshylyǵy máselesi týraly kelissózderdi bastady  dep habarlaıdy  qandastar.kz  Orda.kz-ke silteme jasap.

«Qazaqstan seriktesterdiń birine aınalýy múmkin», – dedi Reseıdiń kólik mınıstri Roman Starovoıt.

Qazirgi ýaqytta qazaqstandyq áýe kompanııalaryna Reseı qalalary arasyndaǵy reısterdi oryndaýǵa ruqsat berý múmkindigi talqylanýda.

Qazir mundaı reısterdi tek reseılik áýe tasymaldaýshylary ǵana oryndaı alady, biraq áýe kemeleri tapshylyǵyna baılanysty bılik bul erejeni ózgertýdi qarastyrýda.

Áskerı qaqtyǵys bastalǵanǵa deıin reseılik avıaııa floty 850-ge jýyq ushaqtan tursa, 2023 jylǵa qaraı olardyń sany 736-ǵa deıin qysqardy.