الەم جاڭالىقتارىجاڭالىقتار
رەسەي ليۆيا ءۇشىن جالعان بانكنوت باسىپ شىعاردى
فوتو: profindustry.ru
كەيىن ول اقشا دوللارعا ايىرباستالعان. وسى جاعداي ليۆيالىق ديناردىڭ قۇنسىزدانۋىنا ىقپال ەتتى. Reuters اگەنتتىگى وسىنداي حابار تاراتتى, – دەپ جازادى atamekenbusiness_qaz.
وعان دەيىن اقشا ليۆيانىڭ سولتۇستىك-شىعىسىنداعى جويقىن سۋ تاسقىنىنان زارداپ شەككەن ايماقتاردى قالپىنا كەلتىرۋ ءۇشىن باعىتتالعان. قاراجاتتىڭ تاعى ءبىر بولىگى ليۆيا مەن ساحەلدەگى رەسەيلىك جالدامالىلاردىڭ قىزمەتىن قولداۋعا جۇمسالۋى مۇمكىن. ساحەل – افريكانىڭ بۋركينا-فاسو, ماۆريتانيا, مالي, نيگەر جانە چاد ايماعى.
رەسەي 2015 جىلى ليۆيالىق دينارلاردى باسىپ شىعارۋ تۋرالى كەلىسىمگە قول قويعان. ونى گوزناك كومپانياسى جۇزەگە اسىرىپ, 2016-2020 جىلدار ارالىعىندا شىعىس ليۆيا ۇكىمەتىنە 10 ملرد ديناردان استام قارجى جەتكىزگەن.
مۋاممار كاددافي قايتىس بولعاننان كەيىن ليۆيادا ەكى ورتالىق بانكى ءارتۇرلى تاريف بەلگىلەيتىن قوس بيلىك قۇرىلدى. بۇۇ مويىنداعان ورتالىق بانك تريپوليدە ورنالاسقان. گەنەرال حاليفا حافتاردىڭ قۇرىلىمدارى باقىلايتىن ەكىنشىسى بەنگازيدە.
