الەم جاڭالىقتارى
رەسەي مەن اقش اراسىنداعى كەلىسسوزدەر لاۆروۆتىڭ مالىمدەمەسىنەن كەيىن «سۋىدى»
Bloomberg اگەنتتىگىڭ دەرەككوزىنىڭ پىكىرىنشە, كرەمل دونالد ترامپتى ۋكرايناعا قاۋىپسىزدىك كەپىلدىكتەرىن تالاپ ەتۋدى توقتاتۋعا جانە ماسكەۋ مەن كيەۆ كەزدەسۋىنىڭ دەڭگەيىن تومەندەتۋگە (اق ءۇي كەزدەسۋدىڭ پرەزيدەنتتەر دەڭگەيىندە ءوتۋىن تالاپ ەتۋدە) كوندىرۋگە تىرىسۋى مۇمكىن. مۇنىڭ ءبارى اقش-تىڭ جاڭا سانكتسيالارىنان قاشۋ ءۇشىن جاسالىپ وتىر, دەپ حابارلايدى qandastar.kz
Bloomberg-كە اتى-ءجونىن اتاماۋدى سۇراعان بىرنەشە ەۋروپالىق جوعارى لاۋازىمدى شەنەۋنىك پەن ديپلومات لاۆروۆتىڭ مالىمدەمەلەرىن كەلىسسوز پروتسەسىن سوزۋعا باعىتتالعان ارەكەت دەپ باعالادى. ولار ءپۋتيننىڭ مامىلە جاساۋعا دايىن ەكەنىنە كۇمان كەلتىردى.
Arasha.kz جازعانداي, رەسەيدىڭ سىرتقى ىستەر ءمينيسترى سەرگەي لاۆروۆ بەيسەنبى كۇنى باتىس ەلدەرىنىڭ اسكەري كونتينگەنتىن ۋكراينا اۋماعىنا ورنالاستىرۋ رەسەي ءۇشىن قولايسىز ەكەنىن مالىمدەدى.
سونداي-اق ول پۋتين مەن زەلەنسكيدىڭ كەزدەسۋىن وتكىزۋ ءۇشىن ءبارىن «جاقسىلاپ پىسىقتاۋ» جانە «ۋكراينا پرەزيدەنتىنىڭ لەگيتيمدىلىگى ماسەلەسىن شەشۋ» قاجەت ەكەنىن ايتتى.
