Reseıde Qazaqstanda joq saraptama jasalady: depýtat Sherzat isi týraly aıtty

Foto:Dalanews.kz.

Jýyrda Senatta ótken brıfıngte Sherzat Bolattyń isine qatysty jańa derekter jarııa boldy. Bas prokýrordyń orynbasary Ǵalymjan Qoıgeldıev Sherzat Bolattyń úıi órtenýine qatysty isti tergeý barysyn bólisti. Osylaısha keıbir saýaldar Reseıge jiberilgeni belgili boldy, dep jazdy qandastar.kz

Bul qandaı saraptama? Nelikten Reseıge jiberildi? Osy suraqtarǵa Májilis depýtaty ári zańger Abzal Quspan jaýap berdi, dep habarlaıdy Dalanews.kz.

Sherzattyń otbasynyń advokaty Meıirman Shekeev depýtat Abzal Quspanǵa osy baǵytta birer saýal qoıǵan. Bul týraly advokat áleýmettik jelide jarııalady.

«Bul aqparatty rastaımyn. Reseıde Qazaqstanda joq saraptama taǵaıyndalyp otyr. Spýtnık arqyly úı órtengen kezde qandaı kólik keldi, buǵan deıin, odan keıin bóten adamdar boldy ma, bolmady ma (osy nárseler anyqtalady — esk.)», — dedi Abzal Quspan.

Advokat depýtattan Sherzattyń aǵasy Nurǵanattyń ólimine qatysty da Reseıde osyndaı saraptama júrgizý múmkindigi bar-joǵyn surady. Depýtat quzyrly organdar ádildik ornatýda budan tartynbaý kerek deıdi.

«Meniń oıymsha, qorǵaý tarapynan tıisti ótinish hat berilgen jaǵdaıda ábden múmkin. Kez kelgen qylmystyq isti tergeýdegi basty másele — shyndyqqa kóz jetkizý, ádilettilikti qalpyna keltirý. Bul joly da qandaı saraptama bolsa da, qansha aqsha tursa da tıisti organdar budan tartynyp qalmaýy kerek dep oılaımyn», — dedi depýtat.

Aıta keteıik, buǵan deıin Bas prokýratýra ókili bul tekseriske ýaqyt kerek ekenin málimdegen edi.

Sherzat Bolattyń ólimi týraly ne belgili?

Eske salaıyq, byltyr Talǵarda jappaı tóbeles bolyp, saldarynan 16 jastaǵy jasóspirim Sherzat Bolat kóz jumdy.

Kámeletke tolmaǵan balany óltirý deregi boıynsha Almaty oblysynyń Polıııa departamenti qylmystyq is qozǵady. Sondaı-aq, olardyń úıi órtenip ketti.

Kóp uzamaı, ıaǵnı 9 jeltoqsanda marqum Sherzat Bolattyń aǵasy Nurǵanat Ǵaıypbaev ajal qushty. Polıııa departamenti aldyn ala derekter boıynsha ol sýııd jasaǵanyn málimdedi. Oǵan dálel retinde polıeıler Nurǵanattyń týysyna messendjer arqyly jazǵan hatyn jarııa etti. 

Al marqum Sherzattyń ákesi baýyry Nurǵanat Ǵaıypbaevty jer qoınyna tapsyrǵanan keıin buqaralyq aqparat quraldarymen kezdesýdi talap etip, kóshege shyqty. Alaıda araǵa uzaq ýaqyt salmaı Qarjaýbaı Nurymovty polıııa qyzmetkerleri ustap áketti. Artynsha Sherzat Bolattyń ápkesi qamaýǵa alyndy. Keıin Qarjaýbaı Nurymov 15 táýlikke ákimshilik qamaýǵa alyndy.