جاڭالىقتار
رەسەيدە قۇلدىقتان قاشىپ شىققان قازاقستاندىقتار ۇندەۋ جاسادى
رەسەيدە قۇلدىقتان قاشىپ شىققان قازاقستان ازاماتتارى بيلىكتەن كومەك سۇراپ, مالىمدەمە جاسادى, دەپ جازدى qandastar.kz
كورشى مەملەكەتتە قورلىق كورگەن وتانداستارىمىز اقشاسىز, قۇجاتسىز قازاقستانعا قايتا الماي جۇرگەندەرىن ايتىپ, بيلىكتەن قول ۇشىن سوزۋدى سۇرادى.
“قالتامىزدا كوك تيىنىمىز جوق. قۇجاتىمىزدى تارتىپ الدى. تازا قۇلدىق بولدى. ەندى قايتا الماي وتىرمىز”, – دەدى ولار.
سوزدەرىنشە, ءۇش جىگىت رەسەيدىڭ جەلەزنوگورسك قالاسىنا جۇمىس ىستەۋگە بارعان. بىراق ءبىر ميلليون تەڭگەگە دەيىن جالاقى دەگەن جارناما جالعان بولىپ شىققانىن ايتادى. ولاردى تەگىن جۇمىسقا جەگىپ, ەشقايدا شىعارمادى دەپ كۇيىنەدى.
قۇلدىقتان قاشىپ شىقتىق دەگەن جەرلەستەرىمىز ماسكەۋدە جاسىرىنىپ جۇرگەنىن ايتتى. سىرتقى ىستەر مينيسترلىگىنىڭ وكىلدەرى قازاقستان ازاماتتارى ەلگە امان-ەسەن ورالعانىن مالىمدەدى. قازىر جاعداي رەتتەلگەن, الاڭداۋعا نەگىز جوق دەپ وتىر.
