Bilim
Reseıde orys tilin bilmeıtin mıgranttardyń balalaryna mektepterde oqýǵa tyıym salynbaq
Foto: pixabay.com
Reseıde orys tilin bilmeıtin mıgranttardyń balalaryna mektepterde oqýǵa tyıym salynbaq. Bul týraly qandastar.kz Stan.kz aqparat agenttigine silteme jasap habarlaıdy.
Reseı memlekettik dýmasynyń tóraǵasy Vıacheslav Volodın ákimshilik quqyq buzýshylyqtar týraly kodekske kóshi-qon salasyndaǵy quqyq buzýshylyqtar úshin jaýapkershilikke qatysty túzetýler jobasy ázirlengenin málimdedi.
Zań jobasy qabyldanǵan jaǵdaıda jyl sońyna deıin zańsyz kóshi-qonmen kúresý úshin 13 zań kúshine enmek.
Qaýly aıasynda depýtattar Reseı úkimetine eńbek kóshi-qony jáne mıgranttarmen birge kelgen otbasylar boıynsha usynystar joldamaq.
Qaýly jobasynda mıgranttardyń balalaryn mektepke qabyldaý kezinde olardyń Reseı aýmaǵynda bolý zańdylyǵyn jáne orys tilin bilý deńgeıin tekserý qajet degen usynys bar.
Sondaı-aq bilim berý uıymdaryna orys tilin biletinin rastaıtyn qujatsyz qabyldaýǵa tyıym salý josparlanýda.
«Biz quqyq qorǵaý salasyndaǵy qajetti qadamdardy taldadyq jáne sheshilýi tıis problemalyq máselelerge nazar aýdardyq», – dedi Vıacheslav Volodın.
