جاڭالىقتار
رەسەيدە جاعداي ناشارلاپ بارادى. ورسكتە مەديتسينالىق كومەك ۋاقىتشا توقتادى
پاتسيەنتتەر نوۆوترويتسك (شامامەن 20 شاقىرىم) مەن ورىنبورعا (250 شاقىرىمنان استام) جىبەرىلۋدە. ەكى اۋرۋحانادا تەك جەدەل جانە شۇعىل ستاتسيونارلىق مەديتسينالىق كومەك كورسەتىپ جاتىر. رەسەيگە قاراعاندا, قازاقستان مەديتسينالىق كومەكتى توقتاتپادى.
ورىنبور وبلىسىنىڭ دەنساۋلىق ساقتاۋ ءمينيسترى تاتيانا ساۆينوۆا ورسك مەديتسينالىق قىزمەتى توتەنشە جاعدايدا جۇمىس ىستەپ جاتقانىن ايتتى.
ورسك قالالىق اۋرۋحاناسى مەن وبلىستىق تۋبەركۋلەزگە قارسى ديسپانسەردىڭ فيليالى سۋ استىنا كەتكەن. كەي ناۋقاستار بىردەن سول جەردەن ەۆاكۋاتسيالاندى.
سۋ تاسقىنى ايماعىندا ورنالاسقان باسقا ەمحانالاردا دا مەديتسينالىق كومەك توقتاتىلىپ, پاتسيەنتتەر ۇيگە جىبەرىلگەن.
قازاقستان رەسەيدەگى اۋىر جاعدايدى باقىلاپ وتىر. بىزدە دە توتەنشە شارالاردىڭ بارلىعى قولعا الىنعان. ايماقتاردا مەديتسينالىق ەۆاكۋاتسياعا دايىندىق بارىسى پىسىقتالۋدا.
