رەسەيدە جول اپاتى بولىپ, قازاقستاننىڭ التى ازاماتى زارداپ شەكتى

قر تجم ءباسپاسوز قىزمەتىنىڭ مالىمەتىنشە, جول اپاتى «سامارا – بولشايا چەرنيگوۆكا» تاس جولىندا (رف سامارا وبلىسى) بولعان. زارداپ شەككەن قازاقستاننىڭ التى ازاماتى, ونىڭ ىشىندە ەكى بالا 6 بىرلىك سانيتارلىق اۆتوكولىكتىڭ كومەگىمەن ورال مەديتسينالىق مەكەمەلەرىنە تاسىمالداندى.

«تاعى ءبىر زارداپ شەككەن وتانداسىمىزدى تج دەپارتامەنتىنىڭ بريگاداسى جەتكىزدى. رەسەي اۋماعىندا قازاقستاندىق ازاماتتاردىڭ قاتىسۋىمەن بولعان جول اپاتى تۋرالى حابار الىنا سالىسىمەن, وقيعا ورنىنا جەدەل تۇردە التى جەدەل جاردەم بريگاداسى اتتاندى. جاراقاتتاردىڭ اۋىرلىعىن ەسكەرە وتىرىپ, شۇعىل مەديتسينالىق كومەك بريگادالار قۇرامىندا بالالار مەن ەرەسەكتەر تراۆماتولوگتارى, حيرۋرگتار, نەيروحيرۋرگ, رەانيماتولوگ, 6 فەلدشەر بولدى». قر تجم ءباسپاسوز قىزمەتى
اپاتتان زارداپ شەككەندەردە ميدىڭ شايقالۋى, اياق-قولدىڭ, جامباس سۇيەكتەرىنىڭ, ومىرتقانىڭ سىنۋى, كوگەرۋ, گەماتوماسى جانە ورتاشا اۋىرلىق تۇرىندە كوپتەگەن جاراقاتتار تىركەلدى.

«بۇگىن, 7 قاڭتاردا تاڭەرتەڭ زارداپ شەككەن بەس ەرەسەك ادام ورال قالالىق كوپسالالى اۋرۋحاناسىنا, ەكى بالا وبلىستىق كوپسالالى بالالار اۋرۋحاناسىنا جاتقىزىلدى, وندا ولارعا مەديتسينالىق كومەكتىڭ تولىق كولەمى كورسەتىلەدى. بريگادالار تاسىمالداۋ بارىسىندا پاتسيەنتتەردىڭ جاي-كۇيىنىڭ ناشارلاۋىنا جول بەرمەدى». قر تجم ءباسپاسوز قىزمەتى