الەم جاڭالىقتارى
رەسەيدە جولاۋشىلار ۇشاعى قۇلادى
رەسەيدە بورتىندا ەكيپاج مۇشەلەرى عانا بولعان جولاۋشىلار ۇشاعى قۇلادى, دەپ حابارلادى ريا نوۆوستي ەلدىڭ شۇعىل قىزمەتىنە سىلتەمە جاساپ.
رەسەيدە بورتىندا ەكيپاج مۇشەلەرى عانا بولعان جولاۋشىلار ۇشاعى قۇلادى, دەپ حابارلادى ريا نوۆوستي ەلدىڭ شۇعىل قىزمەتىنە سىلتەمە جاساپ.
اپات كولومنا قالاسى اۋماعىندا بولدى. قالالىق وكرۋگ باسشىسى الەكساندر گرەچيششەۆ Telegram كانالىندا اپراكسينو اۋىلى اۋماعىنداعى ورىنعا بارا جاتقانىن حابارلادى.
ونىڭ مالىمەتىنشە بورتتا ەكى ۇشقىش پەن ءبىر شتۋرمان بولعان. اپات بولعان جەر قورشاۋعا الىنىپ, توتەنشە جاعدايلار قىزمەتى جۇمىس ىستەپ جاتىر.
تەرگەۋ كوميتەتى ۇشاق جوندەۋدەن كەيىن زاۋىتتان ۇشىپ شىعىپ, ۆنۋكوۆو اۋەجايىنا بەت العانىن حابارلادى. بورتتا جولاۋشىلار بولماعان.
«گازپروم اۆيا» ءاۋ كومپانياسىنىڭ لاينەرى قۇلاعانى بەلگىلى بولدى, ول 2014 جىلدان بەرى پايدالانىلىپ كەلگەن.
