Májilis depýtaty Erlan Saırov bıýdjetten bólingen qarjynyń tıimsizdigin synap, Qazaqstannyń sý máselesin kóterdi, dep habarlaıdy qandastar.kz saıty.

Depýtat Batys Qazaqstandaǵy sý jetispeýshiligi men tıimsiz sý paıdalaný máselesin aıtty. Sý resýrstary jáne ırrıgaııa mınıstri Nurjan Nurjigitov bul máseleni sheshý úshin eki sý qoımasynyń qurylysyn bastaý josparyn bólisti.

«Sizdiń esebińizde Qazaqstandaǵy sý máselesi jaıly. óte jaqsy aıtylǵan, biraq ómirde jaǵdaı basqa. Qaztalov aýdanynda biz Reseıden sý alyp otyrmyz, biraq sol sý Jalpaqtaldan ótip, qumǵa sińip ketedi. Osylaısha jyl saıyn bıýdjettiń 5 mıllıard teńgesi bekerge jumsalyp otyr. Jalpaqtalda sý qoımasyn salý jobasy 10 jyl buryn bastalǵan, biraq áli aıaqtalmady. Máseleni qashan sheshemiz?» – dep surady depýtat Erlan Saırov mınıstrden.

Sý resýrstary jáne ırrıgaııa mınıstri Nurjan Nurjigitov óz jaýabynda máseleniń sheshimin usyndy. Mınıstrdiń aıtýynsha, Batys Qazaqstanda eki jańa sý qoımasynyń qurylysy bastalmaq. Bul jobalar Reseıden alynatyn sýdyń kólemin qysqartýǵa jáne ekologııalyq jaǵdaıdy jaqsartýǵa baǵyttalǵan.

«Durys aıtasyz, Batys Qazaqstandaǵy sý máselesin sheshý úshin eki sý qoımasyn salý qajet. Biz jyl saıyn Reseıden 350 mıllıon tekshe metr sý alamyz. Bul jobanyń ekologııalyq áseri bar jáne sý jerge ketkenmen, ol ózimizdiń Batys Qazaqstanǵa qaıtyp keledi. Sondyqtan tıimsiz qarajat bólemiz dep aıtýǵa bolmaıdy», – dep jaýap berdi mınıstr.

Jobalar iske asyrylǵan jaǵdaıda, bul máseleni sheshýge jáne aımaqtyń ekologııalyq jaǵdaıyn jaqsartýǵa úlken áser etedi.