رەسەيدىڭ بەس پورتى سانكتسياعا ءىلىندى: قازاق مۇنايىنىڭ تاسىمالىنا قاۋىپ بار ما?

فوتو: داگەستان.رۋ

ەۋروپالىق وداق رەسەيدىڭ بەس پورتىمەن قانداي دا ءبىر تاسىمالدى جۇزەگە اسىرۋعا تىيىمدى دا قاراستىراتىن 16-سانكتسيالار پاكەتىن جاريالادى. مۇناي سالاسىنىڭ ساراپشى ولجاس ءبايدىلدينوۆ مۇنىڭ قازاقستانعا ىقتيمال تەرىس اسەرىن اتاپ, ءوز بولجامىمەن ءبولىستى, دەپ جازادى qandastar.kz LS باسىلىمىنا سىلتەمە جاساپ.

SDN پاراعىندا استراحان, ماحاچكالا, ۋست-لۋگا, پريمورسك جانە نوۆوروسسيسك پورتتارى كورسەتىلگەن. ەو مالىمەتىنشە, بۇل پورتتار ارقىلى سانكتسيانى اينالىپ ءوتىپ, شەكتەۋ ەنگىزىلگەن رەسەي مۇنايى ەكسپورتتالادى.

ولجاس ءبايدىلدينوۆ ءتۇسىندىرىپ وتكەندەي, كولەڭكەلى فلوتتاعى 74 تانكەرمەن شيكىزات تاسيتىن كومپانيالارعا بىرقاتار تاۋارلاردى, تەحنولوگيالاردى جانە باعدارلامالىق جاساقتامالاردىڭ دا تاسىمالىنا تىيىم سالىندى. ساراپشىنىڭ ايتۋىنشا, بۇل لوگيستيكانى قيىنداتىپ, سونىڭ ىشىندە رەسەيدەن كەلەتىن ەنەرگەتيكالىق رەسۋرستار ونىمدەرىنىڭ قىمباتتاۋىنا اكەلىپ سوعۋى مۇمكىن.

ء«يا, ءبىز مۇنايىمىزدى نوۆوروسسيسك ارقىلى دا تاسىمالدايمىز. بۇل جەردە تەڭىز تەرمينالى ەمەس, ودان ءسال ءارى قاراي ورنالاسقان پورتتىڭ ءوزى تۋرالى ءسوز بولىپ وتىرۋى مۇمكىن. ماحاچكالا ارقىلى جۇكتى الماستىرا تيەۋ قاراستىرىلعان. مۇمكىن شيكىزاتتىڭ ءبىر بولىگى ۋست-لۋگا ارقىلى وتەتىن شىعار. بىراق, نەگىزىنەن, قازاقستانعا بۇل شەكتەۋلەرگە اسەر ەتپەۋى كەرەك», – دەپ تۇسىندىرەدى ول.

Dalanews.kz  حابارلاعانداي,  بۇل ارادا سالىنعان سانكتسيالار سالدارىنان تاۋارلار مەن تاسىمال قىزمەتتەرى قىمباتتاۋى مۇمكىن, سودان كەيىن ساقتاندىرۋ قاعازىن الۋ دا قيىنعا سوعۋى ىقتيمال. سونداي-اق, تانكەرلەرگە سانكتسيالار قولدانىلعان جاعدايدا ءونىم تاپشىلىعى دا تۋىنداۋى مۇمكىن.

«كولەڭكەلى فلوت – بۇل قانداي دا ءبىر كەمەگە قاتىستى شەكتەۋ عانا ەمەس. بۇل تاسىمالمەن اينالىساتىن كومانداعا قاتىستى جەكە تىيىمدار. بوتەن ءبىر ەلدە, بارلىق كارتالارىڭىز بۇعاتتالىپ, قالىپ كەتسەڭىز جاعداي, ارينە, وتە قيىن عوي. البەتتە, بۇل سانكتسيالاردىڭ بارلىعى تاسىمال مەن لوگيستيكا جەلىسىنىڭ بۇزىلۋىنا اكەلىپ سوعادى. ونىڭ سالدارى قازاقستاندى شارپىمايدى دەپ جاقسىدان ۇمىتتەنگەننەن باسقا بىزدە امال جوق. قالاي بولعاندا دا, رەسمي مالىمدەمەلەردى كۇتەيىك «, – دەپ ءسوزىن قورىتىندىلايدى ولجاس ءبايدىلدينوۆ.

سونىمەن قاتار, ەۋرووداقتىڭ سانكتسيالىق تىزىمىنە ەكى قازاقستاندىق كومپانيا – Kazstanex جانە Metallstan دا ەنگەنى بەلگىلى بولدى.

بۇعان دەيىن سايتىمىزدا «ەشقاي پورت قابىلدامايدى». مۇناي تيەگەن رەسەيلىك تانكەرلەر تەڭىز بەتىندە «تەنتىرەپ» ءجۇر» دەگەن ماقالا جاريالانعان بولاتىن.