RESEIDIŃ ONDAǴAN AIMAǴYN SÝ BASTY

Orskide qalasynyń eski bóligindegi kóshelerdiń bárin sý basqan. Tasyǵan sý úılerdiń tóbesine deıin jetken. Adamdar qaıyqpen qatynap júr.

Jalpy Orynbor oblysyndaǵy Jaıyq sýy on bir metrge deıin kóterilgen. Mamandar bul 2014 jyly salynǵan jańa bógettiń jobalyq deńgeıinen eki ese kóp deıdi. Orynbor oblysynyń gýbernatory da muny óńir tarıhyndaǵy eń iri sý tasqyny dep aıtty. Jergilikti bılik Bashqurtstan men Chelıabi oblysynan Irıkla ózeniniń tasýy biraz basylǵanymen áli de qatty dep otyr. Qazir Irıklınsk qoımasynan aǵyzalatyn sý mólsheri bes júz tekshe metrge azaıtyldy.

Degenmen, mamandar jaqyn arada nóser jaýy múmkin dep boljaıdy. Orynbor oblysynda Reseıdiń ózge óńirlerinen kelgen jeti júz qutqarýshy jumys istep jatyr. Ahýalǵa qatysty Tótenshe jaǵdaılar mınıstrligi ókilin tyńdaıyq.

Aleksandr Sıtnıkov, RF Tótenshe jaǵdaılar mınıstrliginiń ókili: — Orsk qalasynyń eski bóliginde sý áli tasyp jatyr. Apat aýdandarynan turǵyndardy evakýaııalaýdy Tótenshe jaǵdaılar mınıstrligi men basqa da quramalar júzege asyrýda.

Adamdardy qaýipsiz jerlerge qaıyqtarmen kóshirý úshin Perm oblysynan arnaıy aeromobıl toby kómekke keldi. Qazir sý basqan aımaqtan tórt jarym myńnan astam turǵyn evakýaııalandy. Jergilikti bılik 33 ornalastyrý pýnktin ashamyz dep málimdedi. Olar 23 myń adamdy qabyldaı alady.Orynbor oblysynan basqa Reseıdiń taǵy 35 aımaǵy sý tasqynynan zardap shegip otyr. Altaı ólkesinde de tótenshe jaǵdaı engizildi. Bul aımaqta bes júzden astam úı sý astynda qaldy. Samara oblysyndaǵy toǵyz aýdandy sý basty. Bes júzge jýyq adam evakýaııalandy.