«Reseıdiń senimdi strategııalyq seriktesi bolyp qala beremiz»: Toqaev reseılik gazetke maqala jarııalady

Foto: Press-slýjba Prezıdenta Respýblıkı Kazahstan

Prezıdent Qasym-Jomart Toqaev Reseıde shyǵatyn «Izvestııa» gazetine eki el arasynda qarym-qatynas týraly maqala jarııalady, dep jazdy  qandastar.kz 

Reseı prezıdenti Pýtın Qazaqstanǵa keledi. Sol sapar aıasynda Toqaev reseılik gazetke eki el arasynda qarym-qatynastyń mańyzdylyǵyn jazdy.

“Qazaqstan men Reseıdiń qarym-qatynasy – berik ári myzǵymas dostyqtyń shynaıy kórinisi. Eki eldiń strategııalyq seriktestigi men odaqtastyǵy tyǵyz astasyp jatqan tarıhı jáne mádenı baılanystarǵa, sondaı-aq qos halyqtyń bolashaǵyna qatysty ortaq jaýapkershilikke negizdelgen. Buryn-sońdy bolmaǵan jahandyq syn-qaterlerge qaramastan, bizdiń elderimiz tatý kórshilik pen san salaly yntymaqtastyqtyń úlgisin kórsetip keledi. Bul yntymaqtastyqqa ortaq múdde, ózara syılastyq, eń joǵary deńgeıdegi syndarly saıası dıalog arqaý bolyp otyr”, – dedi prezıdent.

stan.kz habarlaǵandaı, Vladımır Pýtın ekeýi únemi habarda. Bir-birimine degen qurmet erekshe deıdi.

Sońǵy bir jylda Qazaqstan men Reseı tolyqqandy formatta tórt kelissóz júrgizgen. Sonymen qatar Pýtınmen halyqaralyq is-sharalar aıasynda birneshe márte kezdesip, telefonmen de jıi sóıleskenin aıtady.

“Qazir Qazaqstanda Reseıdiń 23 myń kompanııasy tabysty jumys istep jatyr. Onyń 4 myńy sońǵy bir jyldyń ishinde quryldy. Bizdiń yntymaqtastyǵymyzdyń qarqyny joǵary ekeni osydan-aq aıqyn kórinedi.

Ekijaqty ınvestıııa kólemi de ulǵaıa tústi. 2023 jyly Reseı kompanııalary Qazaqstanǵa 3 mıllıard dollardan astam ınvestıııa saldy. Qazaqstan da Reseı ekonomıkasyna osynsha mólsherde qarjy quıdy. Elderimiz bıznes júrgizýge qolaıly orta qalyptastyryp, ınvestorlardy qoldaýǵa qajetti barlyq jaǵdaıdy jasap otyr”, – dedi Toqaev.

Qazaqstan men Reseı energetıka, ónerkásip, kólik-logıstıka, aýyl sharýashylyǵy jáne basqa da kóptegen salada birlesip, aýqymdy jumys júrgizip jatqanyn atap ótti. Osyǵan deıin jalpy quny 18 mıllıard dollardan asatyn 90-nan astam joba iske qosyldy. Qazir 49 joba júzege asyrylyp jatqan kórinedi.

“Osy mańyzdy jobalardyń ishinen Qazaqstanda 3 jylý elektr ortalyǵynyń qurylysy bastalǵanyn jáne Ekibastuz GRES-in jańǵyrtýdy atap ótýge bolady. Bul qatarda elimizdiń birqatar aımaǵyn gazben qamtamasyz etýge, sondaı-aq, ońtústik jáne shyǵys baǵytqa tasymaldanatyn Reseı energetıka resýrstarynyń kólemin arttyrýǵa qatysty aýqymdy bastamalar da bar”, – dedi ol.

Toqaev ekonomıkalyq odaqqa da toqtaldy. Bıyl Eýrazııa ekonomıkalyq odaǵyn qurý týraly shartqa 10 jyl toldy deıdi.

“Qazaqstan men Reseı jahandyq básekege qabiletin arttyrý úshin áýel bastan jan-jaqty yqpaldastyq pen baılanysty dáıekti túrde nyǵaıtýǵa umtyldy. Sol sebepti birlestik qurý týraly bastama kóterip, osy uıymnyń negizin qalady. Sodan beri Eýrazııa ekonomıkalyq odaǵy oǵan múshe memleketterdiń ekonomıkalyq saıasatyn ıntegraııalaý jáne ózara saýda-sattyqty damytý úderisi tabysty júzege asyp jatqan asa mańyzdy platforma retinde óziniń tıimdiligin kórsetti”, – dedi el basshysy.

Ol Reseı prezıdentiniń Qazaqstanǵa kelýin qazaq-orys qatynasynyń tarıhyndaǵy asa mańyzdy oqıǵa dep atady.

“Astanada ótetin kezdesýde Reseı prezıdentimen saýda-ekonomıka, kólik-logıstıka, otyn-energetıka, ǵylym jáne tehnıka salalaryndaǵy yntymaqtastyqqa  qatysty aýqymdy máselelerdi talqylaımyz. Halyqaralyq uıymdar men ıntegraııalyq qurylymdar aıasyndaǵy ózara yqpaldastyq barysyn pysyqtaýdy josparlap otyrmyz.Ýshyǵyp turǵan álemdegi ahýalǵa qatysty pikir almasamyz”, – dedi ol.

Qazaqstan men Reseı shekara mańyndaǵy aýdandarynda 32 mıllıonǵa jýyq adam turady.

“Memleket basshylarynyń óńiraralyq yntymaqtastyqtyń HH forýmyna birge qatysýy osy sapar barysyndaǵy mańyzdy shara bolmaq. Elderimiz Uly Jeńistiń 80 jyldyǵyn laıyqty atap ótýge daıyndalyp jatyr. Ortaq tarıhqa degen qurmet árdaıym Qazaqstan men Reseı yntymaqtastyǵyna arqaý bolary sózsiz”, – dep jazdy Toqaev.

Aıtýynsha, byltyr elimizde «orys maýsymy» degen aýqymdy is-sharalar uıymdastyryldy. Al bıyl Máskeýde Astananyń mádenıet kúnderi ótti. Ondaǵy eń negizgi oqıǵa retinde «Abaı» operasynyń Úlken teatrda qoıylǵanyn aıtýǵa bolady. Reseıdiń basty murajaılary – Tretıakov galereıasynda jáne Ermıtajda Qazaqstannyń kórmesi ashylady.

Qazaqstan komandasy Reseıdiń Qazan qalasynda ótken «Bolashaq oıyndaryna» qatysty. Astanadaǵy Dúnıejúzilik kóshpendiler oıyndarynda Reseı sportshylary óner kórsetti. Reseı bastamasymen qolǵa alynǵan «Bolashaq oıyndarynyń» kezekti saıys 2026 jyly Qazaqstanda ótedi.

“Qazir Reseıdiń oqý oryndarynda Qazaqstannan barǵan 60 myńǵa jýyq stýdent bilim alyp júr. Astanada Máskeý memlekettik halyqaralyq qatynastar ınstıtýtynyń fılıalyn, al Ombyda ál-Farabı atyndaǵy Qazaq ulttyq ýnıversıtetiniń ókildigin ashý josparymyzda bar. Elimizde 3500-den astam mektep Pýshkın tilinde bilim beredi, telearnalar men radıostanııalar habar taratady, gazetter men jýrnaldar shyǵady. Barlyq derlik óńirde kórermenniń kózaıymy bolyp júrgen orys drama teatrlary bar.  Bizdiń el Táýelsiz memleketter dostastyǵy aıasynda Orys tiline qatysty halyqaralyq uıym qurý týraly bastama kóterdi”, – dedi memleket basshysy.

Bıyl shildede Astanada Shanhaı yntymaqtastyq uıymynyń sammıti ótti. Onda «Ádil álem, kelisim jáne damý jolyndaǵy jahandyq birlik» týraly deklaraııa qabyldandy.

“BRIKS uıymynyń Qazan qalasyndaǵy tarıhı sammıti óte nátıjeli bolǵanyn atap ótkim keledi. Bul forým Vladımır Vladımırovıch Pýtınniń erik-jigeri men abyroı bedeliniń jáne álem jurtynyń 45 paıyzynyń múddesin qorǵaıtyn birlestikke Reseıdiń tıimdi tóraǵalyq etýiniń arqasynda ótti. 2025 jyly kóptegen birlesken bastamalar men ortaq jobalardy júzege asyrýǵa mol múmkindik bar.

Qazaqstan men Reseı tatý kórshilik pen odaqtastyq rýhyna negizdelgen rııasyz dostyqty nyǵaıtty jáne eń bastysy, ózara senimdi qarym-qatynas ornatty. Biz elderimizdiń basty múddesine saı keletin eń batyl ıdeıalardy birge júzege asyra alamyz dep oılaımyn. Biz tarıhtyń qaqtyǵysqa jáne apatqa toly kúrdeli kezeńinde Reseıdiń senimdi strategııalyq seriktesi ári odaqtasy bolyp qala beremiz”, – dep aıaqtady maqalany Qasym-Jomart Toqaev.