Reseıdiń syrtqy ister mınıstri Toqaevtyń Donek pen Lýgansk táýelsizdigin moıyndamaǵanyna qarsy shyqty

Foto: ashyq derekkóz

Reseıdiń syrtqy ister mınıstri Sergeı Lavrov prezıdent Qasym-Jomart Toqaevtyń memleketterdiń aýmaqtyq tutastyǵyn saqtaýǵa basymdyq beredi degenimen kelispeıdi. Lavrovtyń sózinshe, tipti BUU jarǵysynda ulttardyń ózin-ózi bıleý quqyǵy da qarastyrylǵan. Bul týraly qandastar.kz aqparat agenttigi Kommersant basylymyna silteme jasap habarlaıdy.

Toqaev aýmaqtyq tutastyq qaǵıdatyn saqtamaý bir-birimen qas kóptegen memleketterdiń paıda bolýyna ákeletinin birneshe ret málimdedi. Atap aıtqanda, ol muny 2022 jyldyń maýsym aıynda Sankt-Peterbýrg halyqaralyq ekonomıkalyq forýmynda aıtty. Sol kezde Qazaqstan basshysy BUU Jarǵysynyń ózin-ózi bıleý quqyǵy men aýmaqtyq tutastyq qaǵıdattary bir-birimen qarama-qaıshylyqta ekenin, Qazaqstannyń Donek jáne Lýgansk halyq respýblıkalarynyń táýelsizdigin moıyndaýy ekitalaı ekenin atap ótti.

«Men onymen kelispeımin. Biz qazaqstandyq dostarymyzǵa keıin óz ustanymymyzdy túsindirdik. Ol úshin tek aýmaqtyq tutastyq quqyǵy bar. Biraq men taǵy aıtamyn: eger siz BUU-nyń múshesi bolsańyz, Jarǵyny tolyǵymen qurmetteńiz», – dedi Lavrov.

Onyń aıtýynsha, úkimeti sol jerdegi halqynyń tolyq múddesin qoldaıtyn memleketterde aýmaqtyq tutastyq saqtalady.

2022 jyldyń 21 aqpanynda Reseı prezıdenti Vladımır Pýtın DHR men LHR táýelsizdigin moıyndaý týraly sheshim qabyldady. Birneshe kúnnen keıin, 24 aqpanda ol Ýkraınada arnaıy áskerı operaııa bastalǵanyn habarlady. Eske salsaq, Toqaev Pýtınniń janynda otyryp, Lýgansk pen Donek táýelsizdigin moıyndamaıtynyn aıtqan edi.