رەسەيدىڭ تاعى ءبىر تۇرمەسىندە تۇتقىندار كوتەرىلدى: مەكەمە قىزمەتكەرى كوز جۇمدى

فوتو: ۆيدەو سكرينشوت

ۆولگوگراد وبلىسىنداعى قاتاڭ رەجيمدەگى تۇزەۋ كولونياسىنىڭ (تك-19) بىرنەشە تۇتقىندى تۇزەتۋ مەكەمەسىنىڭ قىزمەتكەرلەرىن كەپىلگە الدى, دەپ حابارلايدى Ulysmedia.kz.

رەسەيدىڭ فەدەرالدى جازالاردى ورىنداۋ قىزمەتى قاتاڭ رەجيمىندەگى 19-شى تۇزەۋ كولونياسىندا ادامدار كەپىلگە الىنعانى جونىندە اقپاراتتى راستادى, دەپ جازادى تاسس,

– تارتىپتىك كوميسسيا وتىرىسىندا (وندا قاساقانا بۇزۋشىلاردىڭ ىستەرى قارالادى) بىرنەشە تۇتقىن قىزمەتكەرلەردى كەپىلگە الدى. تۇتقىندار كولونيا قىزمەتكەرىن ءولتىردى. فسين باسقا دا زارداپ شەككەن قىزمەتكەرلەرى بار, – دەلىنگەن حابارلامادا.

باق سونىمەن قاتار ءۇش ادام قازا تاۋىپ, ءتورت ادام زارداپ شەككەنىن جازادى.

Shot-تىڭ الدىن-الا مالىمەتى بويىنشا, تم-19 باستىعى اندرەي دەۆياتوۆ پەن ونىڭ ورىنباسارى كەپىلگە الىنعان.

كولونياعا ارنايى كۇشتەر كەلىپ, باسىپ كىرۋگە دايىندالىپ وتىر.

تۇزەتۋ مەكەمەسى ۆولگوگراد وبلىسىنىڭ سۋروۆيكينو قالاسىندا ورنالاسقان. اشىق دەرەككوزدەردىڭ دەرەكتەرى بويىنشا وندا 1,2 مىڭنان استام ادام تۇتقىندا جازاسىن وتەپ جاتىر.

2024 جىلدىڭ ماۋسىم ايىندا روستوۆ-نا-دونۋ قالاسىنداعى تەرگەۋ يزولياتورىندا دا وسىنداي وقيعا بولعان.