Reseıdiń taǵy bir túrmesinde tutqyndar kóterildi: mekeme qyzmetkeri kóz jumdy

Foto: vıdeo skrınshot

Volgograd oblysyndaǵy qatań rejımdegi túzeý kolonııasynyń (TK-19) birneshe tutqyndy túzetý mekemesiniń qyzmetkerlerin kepilge aldy, dep habarlaıdy Ulysmedia.kz.

Reseıdiń federaldy jazalardy oryndaý qyzmeti qatań rejımindegi 19-shy túzeý kolonııasynda adamdar kepilge alynǵany jóninde aqparatty rastady, dep jazady TASS,

– Tártiptik komıssııa otyrysynda (onda qasaqana buzýshylardyń isteri qaralady) birneshe tutqyn qyzmetkerlerdi kepilge aldy. Tutqyndar kolonııa qyzmetkerin óltirdi. FSIN basqa da zardap shekken qyzmetkerleri bar, – delingen habarlamada.

BAQ sonymen qatar úsh adam qaza taýyp, tórt adam zardap shekkenin jazady.

Shot-tyń aldyn-ala málimeti boıynsha, TM-19 bastyǵy Andreı Devıatov pen onyń orynbasary kepilge alynǵan.

Kolonııaǵa arnaıy kúshter kelip, basyp kirýge daıyndalyp otyr.

Túzetý mekemesi Volgograd oblysynyń Sýrovıkıno qalasynda ornalasqan. Ashyq derekkózderdiń derekteri boıynsha onda 1,2 myńnan astam adam tutqynda jazasyn ótep jatyr.

2024 jyldyń maýsym aıynda Rostov-na-Doný qalasyndaǵy tergeý ızolıatorynda da osyndaı oqıǵa bolǵan.