رەسەيلىك اگەنتتەر بەرگەي رىسقاليەۆتىڭ كوزىن جويماق بولدى, تاپسىرىس بەرۋشى كىم?

اتىراۋ وبلىسىنىڭ بۇرىنعى اكىمى بەرگەي رىسقاليەۆ حالىقارالىق تىڭشىلىق داۋىنىڭ ورتاسىنا ءتۇستى. بۇل وقيعا ۇلىبريتانيا سوتى رەسەيدىڭ پايداسىنا تىڭشىلىق جاساعانى ءۇشىن بولگاريانىڭ التى ازاماتىن سوتتاعاننان كەيىن بەلگىلى بولدى, دەپ جازادى Alash.KZ.

ولاردىڭ تاپسىرمالارىنىڭ ءبىرى – قازاقستاننان قاشىپ كەتكەننەن كەيىن لوندوندا تۇرىپ جاتقان رىسقاليەۆتى كوزىن جويۋ بولعان. تەرگەۋ مالىمەتىنشە, رەسەيلىك اگەنتتەر ونىڭ ىزىنە ءتۇسىپ, قاستاندىق ۇيىمداستىرۋدى جوسپارلاعان. بۇل ارەكەت ارقىلى ولار قازاقستان بيلىگىنە «قىزمەت كورسەتىپ», رەسەي مەن قازاقستان اراسىنداعى قارىم-قاتىناستى جاقسارتۋدى كوزدەگەن.

بەرگەي رىسقاليەۆ تۋرالى نە بەلگىلى?

ول 2006–2012 جىلدار ارالىعىندا اتىراۋ وبلىسىنىڭ اكىمى قىزمەتىن اتقارعان. مەملەكەتتىك قاراجاتتى جىمقىرۋ جانە لاۋازىمدىق وكىلەتتىكتەرىن اسىرا پايدالانۋ بويىنشا ايىپتار تاعىلىپ, حالىقارالىق ىزدەۋ جاريالاندى. ول 71 ميلليارد تەڭگەدەن استام قاراجاتتى جىمقىرعان. 2019 جىلى قازاقستان سوتى بەرگەي رىسقاليەۆتى سىرتتاي 17 جىلعا باس بوستاندىعىنان ايىرۋ جازاسىنا كەستى.