Reseılik kompanııalar Qazaqstan arqyly Qytaıǵa kómir tasymaldaýǵa qyzyǵýshylyq tanytýda

Foto: QTJ

Reseılik kompanııalar Qazaqstan arqyly Qytaıǵa kómir tasymaldaýǵa qyzyǵýshylyq tanytyp otyr. Bul máseleni Máskeýde QR Kólik mınıstri Marat Qarabaev pen RF Kólik mınıstri Roman Starovoı ózara talqylady, dep habarlaıdy qandastar.kz

Qazaqstan men Reseı «Soltústik – Ońtústik» kólik dálizin damytý jáne Reseı kómirin Qazaqstan aýmaǵy arqyly Qytaıǵa tasymaldaý máselelerin talqylady, delingen quzyrly mınıstrlik baspasóz qyzmetiniń habarlamasynda.

Máskeý qalasynda Qazaqstan Respýblıkasy Kólik mınıstri Marat Qarabaevtyń Reseı Federaııasynyń Kólik mınıstri Roman Starovoıtpen jáne Reseı Federaııasynyń Energetıka mınıstri Sergeı ıvılıovpen kezdesýi ótti. Sondaı-aq kelissózderge «QTJ» UK» AQ men «RJD» AAQ basshylary da qatysty.

«Atalǵan kezdesýge deıin eki eldiń temirjolshylary reseılik kómir óndirýshi kompanııalardyń qatysýymen birqatar keńes ótkizdi. Basqosý barysynda taraptar tranzıttik tasymaldy Qazaqstan aýmaǵy arqyly júzege asyrýǵa joǵary qyzyǵýshylyq tanytty, sebebi bul marshrýt suranysqa ıe ári bolashaǵy bar balama retinde qarastyrylyp otyr», delingen resmı habarlamada.

Dalanews.kz jazǵandaı,    kezdesý aıasynda eki el arasyndaǵy seriktestikti nyǵaıtý, tasymaldardyń tıimdiligin arttyrý jáne kólik-logıstıka ınfraqurylymyn damytý perspektıvalary qarastyryldy.

Buǵan deıin Hıýstonda Halyqaralyq CERAWeek 2025 energetıkalyq konferenııasy aıasynda Qazaqstan Respýblıkasynyń Energetıka mınıstri Almasadam Sátqalıev AQSh Energetıka mınıstri Krıs Raıtpen kezdeskenin jazǵanbyz. Taraptar, sankııalyq shekteýlerdiń qazaqstandyq munaıdy álemdik naryqqa turaqty jetkizýge áser etý máselelerin de talqylaǵan bolatyn.