رەسەيلىك ساياساتكەرلەر توقاەۆتىڭ ساياساتى تۋرالى ايتا باستادى

فوتو: اقوردا

پرەزيدەنت قاسىم-جومارت توقاەۆتىڭ سىرتقى ساياسات باعىتى الەمدىك ارەنادا ءوز ورنىن نىعايتىپ, ەلدىڭ حالىقارالىق قاتىناستارىندا سالماقتى ءارى تۇراقتى ءرول اتقارۋدا. مۇنى رەسەيلىك ساياساتتانۋشى ۆيتالي ملەچين گازەتا.ru سايتىنداعى ماقالادا اتاپ ءوتتى, دەپ جازادى qandastar.kz.

ملەچيننىڭ ايتۋىنشا, توقاەۆ — سىرتقى ىستەردە ناقتى ءارى ساليقالى ساياسات جۇرگىزەتىن كوشباسشى. ونىڭ ساياساتى سالماقتى, بولجامدى جانە كوپۆەكتورلى سيپاتقا يە. سونىمەن قاتار, توقاەۆ بەرليندە جاساعان مالىمدەمەسىندە قازاقستاننىڭ رەسەيمەن تىعىز ىنتىماقتاستىق ورناتۋىن جالعاستىراتىنىن, ەلدە “انتيرەسەيشىلدىك” احۋال جوقتىعىن العا تارتقانىن ايقان.

ساراپشى توقاەۆتىڭ “قازاقستاندا ازاماتتار جەكە قارىم-قاتىناستا قانداي تىلدە سويلەۋ كەرەكتىگىن ءوز ەركىمەن تاڭداۋى ءتيىس, ەشكىم ولارعا بۇل ماسەلەدە قىسىم كورسەتپەۋى قاجەت” دەگەن تىلگە قاتىستى ۇستانىمىن دا العا شىعارادى.

سونداي-اق ساياسي ساراپشى كونستانتين كالاچەۆ قازاقستاننىڭ كوپۆەكتورلى ساياساتىنىڭ ءمانىن ءتۇسىندىرىپ, ول ەلدىڭ ستراتەگيالىق وداقتاستارىمەن قارىم-قاتىناسىندا ەشقانداي قاراما-قايشىلىق تۋعىزبايتىنىن اتاپ وتكەن. كالاچەۆتىڭ ايتۋىنشا, قازاقستان حالىقارالىق ارەنادا ءوز تاۋەلسىزدىگىن ساقتاي وتىرىپ, رەسەيمەن ءارى باسقا دا ەلدەرمەن تۇراقتى ءارى سەنىمدى سەرىكتەستىك ورناتىپ وتىر.

ال ساياساتكەر, قازاقستان-رەسەي ءباسپاسوز ورتالىعىنىڭ ساراپشىسى اندرەي ۆىپولزوۆ عالامتوردا كەيدە استانانى “سەرىكتەستىك جولىنان تايىپ, باتىسقا جاقىنداپ بارا جاتىر” دەپ ايىپتايتىن ماقالالار شىعىپ جۇرگەنىن ايتتى. بىراق ول بۇل پىكىرلەردىڭ شىندىققا ساي كەلمەيتىنىن جەتكىزدى.

قورىتىندىلاي كەلە, رەسەيلىك ساراپشىلار قازاقستاننىڭ سىرتقى ساياساتىندا جاعىمدى احۋال قالىپتاسقانىن, ەلدىڭ ستراتەگيالىق سەرىكتەستىكتەرى مەن وداقتاستىق مىندەتتەرىنە بەرىكتىگىن ءسوز ەتكەن.