«Reseılik sportshy pasportymyzdy aldy»: Jýrnalıst qazaq sportyn synap, dabyl qaqty

Sport jýrnalısi Aslan Kajenov tanymal reseılik sportshynyń Qazaqstan azamattyǵyn alǵanyn málimdedi, dep habarlaıdy Qandastar.kz.

Jýrnalıst áleýmettik jelidegi paraqshasynda qysqy olımpıada qarsańynda daıyn sportshyny el atynan óner kórsetýge shyǵarý salý — eń ońaı sheshim ekenin aıtyp, ótkennen sabaq alýǵa shaqyrdy.

«Myna qyzdy nege ákeldińder?!

Taǵy bir reseılik sportshy kók pasportymyzdy aldy. Naqtyraq aıtqanda, Elızabeta Golýbeva budan bylaı Qazaqstan azamatshasy sanalady. Tipti, Halyqaralyq konkıshiler odaǵy oǵan 2025 jyldyń 5-shildesinen bastap bizdiń eldiń atynan óner kórsetýge ruqsat berdi.

Iá, Elızabeta – myqty sportshy. Álem chempıonaty men Eýropa chempıonatynda júldege ilikken. Bizge de medal ákeler. Biraq, osy arqyly kimdi aldaımyz? Ol jeńisterge shynaıy qýana almasaq, ol jeńister óz órenderimizdiń jetistigi bolmasa, ol jeńister otandyq júıeniń jemisi bolmasa, qajeti qansha? Buǵan deıin de talaı sportshy osylaı keldi. Mıllıondaǵan jalaqy men syıaqyny aldy da tarıhı otandaryna taıyp turdy. Sondaı jetistik kerek pe bizge? Nege ótkennen sabaq almaımyz?

Qysqy olımpıadaǵa jarty jyl qalǵanda osylaı jantalasqanymyz, qaı sasqanymyz? Nege jyltyr ári jeńil medalǵa qumarmyz? О́zimiz nege chempıondardy ósirmeımiz? О́zimiz nege áreket qylmaımyz? Daıyn sportshyny ákele salý, eń ońaıy ǵoı. Erteń osy qyzdyń nátıjesimen keremet qylyp esep beremiz. Bólingen mıllıarttardy jyly jabamyz. Bári «krasavchık» bolady. Biraq, naqty nátıje nól. Naqty ispen eshkim aınalyspaıdy. О́kinishtisi, óte qysqa merzimdi oılaımyz. Iaǵnı, dál qazir júlde alýymyz kerek. Al, ary qaraı ol sporttyń taǵdyry, jalpy otandyq sporttyq taǵdyry eshkimdi alańdatpaıdy. Osylaı óz-ózimizdi 35 jyl boıy aldap keldik. Taǵy aldanyp jatyrmyz. Aldana beremiz de…», — dep jazdy ol.

Jýrnalıstiń jazbasyna jeli qoldanýshylary túrli pikir jazýda. Olardyń basym kópshiligi bul jańalyqqa narazylyq tanytýda.

«Bundaılardy el abyroıy úshin ákelip jatqan joq, ol ras. Kóksegenderi belgili kózderi qantalap sol bir aqsha», «Sasqan úırek artymen júzedi degendeı bolyp turǵoı! Aıtarǵa sózim joq», «Kók pasporttyń quny ketti me», — dep jazdy olar.